壞完一樣又一樣 (現在心情好似佢咁 >_< )
部相機又壞 ﹐二月中拎回來﹐影左幾次﹐又壞過
今晚練琴﹐用用下個調音器﹐佢又自殺
現在的電子野真係好鬼化學﹐之前 BEDROOM 用開部泠氣機﹐用左二年左右﹐就壞左 =__=’‘ 仲係東痴牌。。。。
反而廳用緊果部﹐係由入伙時買﹐已經有二十一年啦﹐真係由細陪到佢大 ﹐現在還好健康﹐可以話凍到大家飛起 @@ 不過佢就快要退休啦﹐事關鐵定今年六年開始全屋大裝修﹐之後會換過一部新的冷氣﹐佢都光榮引退啦﹐應該會買左俾收埋佬 @@ 大機好似仲收到 三舊水咁話
大裝修後我就可以達成今年最希望達成的願望﹐就係再養番貓啦﹐希望有個最好的環境給佢地﹐目標係兩位小朋友 @@﹐因為平日大家都要返工﹐若果得一隻貓MI﹐佢會好寂寞的 @@ 之前有諗過買的﹐名種貓真係好吸引好靚的﹐不過想深一層﹐都係領養來得有意思﹐名種貓實有人去愛護﹐反而待領養的﹐就唔知邊一日會得到愛﹐其實本地貓都可以好靚的﹐我地BB 就係 啦 XDDDD 都唔知幾優雅
講開又講﹐之前用開的 29吋 大電視 ﹐即係果D大大舊﹐由入伙用左十六年﹐銳利牌 XDD 當時爸爸識朋友拎﹐只係街價六折﹐6k 左右﹐當時由一21吋的電視﹐去到 29吋超大電視﹐仲有度比 環回立體聲﹐果種喜悅﹐果種震憾﹐到現在還不能忘記﹐我同細妹﹐每日都貼住電視 XDDDDD ﹐重覆又重覆去看錄影 (就好似朗朗可以重覆看數十次 TOY STORY 同阿凡達一樣 @@ 唔會悶的)﹐加上哪個時候好興租 LD﹐而爸爸又好喜歡睇戲﹐所以好多時都會一家大細 (爸爸媽媽﹐妹妹﹐我﹐祖父&祖母耐唔時參與XDDD) ﹐有時鬼戲﹐有時笑片 ,有時就警菲片﹐總之乜都有﹐但超開心的 ^^
點解會無O拉O拉提起果 29吋大電視﹐係因為BB 以前總會在大電視上面訓﹐﹐佢有時會係電視上面訓﹐放條尾落 螢光幕再係咁搖擺 >。< 佢訓緊教的 =。=‘’‘ (哈哈﹐現在的薄屏就冇可能有呢個情景啦 ^^) 有時佢會乖乖咁訓係機箱上面﹐所以電視機入面都留左佢好多貓毛 (修理時就見到好多啦)﹐WAKAKA﹐我仲同佢係電視頂玩過人貓 痴手 XDDD (當然係好輕力同玩果隻啦)
係 2007年尾退休 (當時佢仲好健康﹐用了咁多年﹐都冇乜問題)﹐反而現在用緊 GEI 飛利佬 扒屎痳﹐已經有D問題 =_=’‘’
大家有冇發覺﹐現在的電器﹐大多都只有一年保養﹐從前都會做三年﹐有D仲有五年﹐道理顯然易見﹐就係現在D 野都唔耐用 =_=‘’好多都計到好準﹐一年多就會有問題﹐到時一係修理 (修理費加人工費一D都唔平的)﹐一係就買新 @@ 咁又造成令一個問題﹐大量電器遺棄。。。。。
O申完 >___< 希望短期冇野再壞。。。。。。
