充實的一週

嘻嘻﹐由上星期五開始﹐連續三日都好充實呢﹐就等我簡報下啦


星期五﹐朋友仔結婚﹐我被邀請幫手影 SNAP SHOT﹐全輯相都好喜歡﹐係呢度再次祝福佢地兩個 白頭到老﹐永結同心﹐過著開心快樂的日子

有時有能力又幫到朋友﹐真係一樣快樂的事情來

同檯朋友仔﹐留多左一隻鮑魚給我啊 XDDDD 未試過係飲宴吃兩隻咁多 XDDD
感謝感謝

因為星期五全日攝影﹐都幾累下﹐所以就請左假﹐沒有上小提琴﹐之後的網球都因天雨取消﹐原本約了一個好耐冇見的朋友仔﹐失望呢﹐只好再約啦 @@

今日最重要的節目就係參加天文農莊的分享會﹐今次主要係講解星空攝影後期製作﹐對於我呢D 初哥﹐真係學左好多野啊 ^^

不過今日超低能﹐是關前晚影婚宴﹐用晒D電﹐我拎左出來 CHARGE﹐最後拎左大機去但又冇拎電。。。。。 >_<

只好用手機影下﹐記錄下啦 @@

天文貓mi - 叮叮

佢係天文農莊入面的大佬來啊 :P 佢係女仔來 GA﹐好爹﹐任摸﹐好乖乖ga

aiya, 用手機影有生命的東東真係好難 >_<

呢張已經最好 >_< 見到冇得影﹐不過好彩同佢玩左好耐 XDDD

星期日幫朗朗仔影親子運動會﹐影到身水身汗﹐呢日我估有成25度 >_<’‘’ 影到四點幾回家﹐準備去睇演唱會 XDDDDD

都
成二年冇睇過演唱會 :P 貪過引又想去影下﹐ 但近排都冇乜心水歌手﹐見到 Vivian 開兩場﹐照殺 :P 原本online 有第 16 行﹐
諗住第二日去買﹐慳番幾蚊手續費﹐點知得番 18 行 >_< 用盡 200mm 加埋 1.5x .....
都唔夠﹐若果前多五行應該幾好﹐影同睇都正 @@ 演唱會都係位置先決 @@‘’ 我坐果邊大部份時間都係睇美背 =____=‘’‘ 慘情 

要搞掂D 大婚日 GEI 相先去探大家

開心就係咁簡單

嘻嘻﹐好喜歡呢個短片

BB 仔笑得好開心﹐見爸爸撕爛張解偏信﹐笑到停唔到口









小朋友好易滿足﹐就好似我兩個可愛兒甥﹐可以睇幾百萬次 TOY STORY 都一樣咁 enjoy,好簡單的事情都可以笑得開心。


不過人越大﹐越難滿足﹐得一就想二﹐慾望越來越多﹐唔知係唔係身處係現今的社會﹐大城市﹐大家都愛比較, 其實好多人生活都不錯 ﹐但見到別人的好﹐又覺得自己好似好慘咁 (其實又有幾慘﹐好多人連食唔飽﹐冇安樂窩﹐病了都冇錢睇﹐書又冇得讀﹐ 果D人都唔會成日話自己慘)﹐反而好多身在福中不知福的人就時常發放負能量﹐時常都唉聲嘆氣。

其實有健康身體﹐有家人﹐有朋友﹐有工作已經係一件好幸福的事情﹐看似應有的事情﹐唔係咁多人同時擁有的 ^^ 要好好珍惜哦

最近睇過鄭伊健的一個特輯﹐入面提過乜野係美麗人生﹐非常同意佢所講的


要好好珍惜現在所擁有﹐拎到D乜野﹐好好利用佢﹐再去爭取﹐有時結果可能未如意﹐但係過程才是最重要﹐好好享受其中﹐不要把結果睇得太重﹐因為咁只會俾自己太大壓力﹐記住每樣事情﹐無論工作又好﹐學習又好﹐生活上一點一滴都係人生的經歷﹐都係開心的事情。

又好似佢所講學習真係一樣好開心的事情的 ^^ 從前讀書都會覺得學習係冇趣﹐考試功課就像受難一樣 XDDDDD 雖然冇佢講得咁誇﹐不過都冇一種喜歡的心。

反而 現在心態又不一樣﹐學習係開心的事情﹐老師把自己所識的﹐傳授俾你﹐你話係唔係要感恩呢 ^^ 考試再唔係受若﹐而係超越自己的考驗﹐可能考驗未必能次次通過﹐但過程中絕對可以令自己有所成長﹐只要繼續努力﹐必定能一步一步向前。


美麗人生﹐發自內心的開心其實係好易呢﹐大家都要好好想下﹐現在追尋係唔係真正自己所想

1度下的 雙流星夜空 - 星星篇

嘻嘻﹐這一天係 2010 年 12月 數一數二凍的一日﹐市區都係得3-4 度﹐今日去的地方比市區還要低﹐就係西貢在入D GEI 萬宜水庫東壩啦﹐這個地方係除了離島以外﹐香港最東的地方

因為當日月亮姐姐要成 零晨三點先返歸 @@ 所以太早入去﹐星星數量都唔會太多﹐所以大家係大學站後﹐搭的士入去, 由大學入到去東壩﹐價錢大約 150﹐ 五個人分都係 30﹐OK 的﹐想平D就係西貢市﹐大約 100 就搞掂。

過了 北潭涌的禁區站﹐再過多少少路﹐已經冇晒街燈啦﹐從窗望出去﹐都已經見到唔少少星星 ^^ 今晚雖然月亮高高掛﹐但係勝在萬里無雲﹐影星星就最適合 ^^


大約十二點到達目的地啦﹐大家都開壇作法 XDDDD 來到冇乜風﹐雖然只從一度多 ﹐茶實係著得太多衫 XDDD ﹐唔知以為去北極啊 。



今日其實係雙子座流星雨日﹐不過就水尾啦﹐極盛日滿天雲﹐同之前獅子座一樣 >_<
仲有今日係小熊座流星雨的首日 ﹐不過呢個座的流星係極盛日都係十粒以內 (每小時 =_=) 咁其它日子可能一至二粒 (每小時)


#1 睇下﹐月亮幾耀眼﹐較怕羞的星星係月亮姐姐光照都藏於一角

#2 西面的星空﹐頂頂見到金牛座的七姐妹星團 (昴宿星團), 與月亮正在西沉呢

#3 今日拎了兩部機﹐兩支腳架﹐一部長曝星軌﹐令一部就 SNAP,哈哈﹐不過幾輪盡 ....

北面星空﹐星空 + 千萬年的火山岩石柱

呢張用了 細妹的 d90, 好似有D out-focus ... =_=''

#4 令一部長曝星軌﹐主要係冬季大三角東升流跡﹐多一部相機有到好﹐一部長曝星軌﹐令一部就可以四圍﹐不過人多就唔好啦﹐一大班自己友就冇問題 ^^

#5 冬季大三角

#6 影到兩點左右﹐隊長話落壩底影 ^^

月亮姐姐西沉返家啦 ^^

#7 好多六角柱﹐我沒有跟隊長 XDDDDD 因為去同一個地方﹐大家D相會差唔多 @@

所以我留左係壩中間 @@ 不過一個人就真係有D 驚驚﹐茶實都好黑GA。。。

#8

#9

#9 扮夫妻樹 XDDDDD (台灣有名觀星地方﹐就係有一對樹﹐感覺就像一對夫妻在看星一樣 ^^ )

#10 呢張有D 失敗 @@ 其實可以做到前景補光清楚 +  background 星空都清楚的﹐下次用新方法影過 ^^

#11
攝於 東霸 壩底

零晨四點 西沉中 的 冬季大三角


當日好涷﹐得 1度左右 @@ 但天清﹐萬里無雲﹐目視銀河﹐最少能見五等星﹐非常美的星空

(冬季大三角 ) Winter's Great Triangle

由三棵一等亮星組成

小犬座 南河三  (Procyon) 0.34
獵戶座 參宿四 (Betelgeuse)0.58
大犬座 天狼星  Sirius −1.47


呢一張冬季大三角
http://www.fotop.net/chisato721/star/Winter_s_Great_Triangle_name

紅色係 獵戶座 參宿四
三角頂頂果粒係 小犬座 南河三
令一粒係最天最光亮恆星 大犬座 天狼星

#12 壩上面的星空﹐星星都西沉回家 ^^﹐可以清楚見到金牛﹐獵戶座

#13 人手星軌 XDDDDD 茶實係波頭 lock 唔實﹐所以一路曝光﹐波頭一路下滑 XDDDD 不過好正耶

#14 正常版

#15 小熊座流星雨
每年的12月17日開始活躍，大約可以持續一星期左右，在12月25日或26日結束

大熊座的尾巴 (北斗七星)  上的 小熊座流星雨


Alkaid 視星等 1.85 搖光 (破軍)
Mizar 視星等 2.2 開陽 (武曲)
Alioth 視星等 1.75 玉衡 (廉貞)
Megrez 視星等 3.3 天權 (文曲)
Phad 視星等 2.4 天璣 (祿存)
Merak 視星等 2.3 天璇 (巨門)
Dubhe 視星等 2.0 天樞 (貪狼)

#16 放大位置 ^^

這張其實好好彩﹐因為事先真係唔知今日係 小熊座流星雨﹐而咁o岩又四圍影﹐而呢一張係第一張拍攝., 正正就俾我影到仲許埋願  tim :P

#17

#18 話樣野俾大家知

全天空有八十八個星座

星星分了等級﹐人的肉眼可以看到 六等星 (數字越大就越暗)﹐暗的星星就要靠天文鏡 ^^ 用相機都可以影到多過肉眼的

五等星比六等星光 2.5陪, 如此類推

而一等星就係六等星的一百陪啦 ^^ 而月高就大約係 -10 光度﹐大約就係 -2x 光度 @@


這樣，我們依照全天的星座分佈，把每一個星座的星星按照星等計數，就可以數遍全天空肉眼可以看到的星星。結果是：一等星２０顆；二等星４６顆；三等星１３４顆；四等星４５８顆；五等星１４７６顆；六等星４８４０顆，全部加起來總共有６９７４顆。

所以係好暗好暗的地方﹐人眼係可以目視數千粒星星

係東壩呢個低光害地方﹐係可以目視 六等星星的

大霧山頂可以看到四等星星左右。

而我地平時所居住的地方就只可以看到 1 至 2 等星星 ^^

係唔係滿天星星呢 ^^ 這個係東面星空﹐因為對出已經係公海﹐所以光害極少﹐除非有漁船/OR 水警 ^^ 一 般都可以看到好多星星﹐天氣好﹐仲有機會看到銀河

#19 這粒非常非常光亮的星星就係金星啦 ^^ 佢唔係恆星﹐係行星﹐有 -4.6 光度

東壩壩底 零晨五點

剛由東方升起 金星﹐ 視等為 -4.6﹐ 全天最光亮行星

金星最光係日落之前一陣或者日出無耐，所以人哋叫佢晨星

或者昏星

中國古代稱之為太白、太白金星。係晨星嘅時候，黎明前響東方嘅天出現，稱之為「啟明」；係昏星嘅時候，黃昏後響西方嘅天出現，稱之為「長庚」 [1]。

古希臘人叫金星做阿佛洛狄特 (Aphrodite)，係希臘神話裏面「愛與美」嘅女神。而古羅馬人叫金星做維納斯 (Venus)，係羅馬神話裏面嘅「美神」，因此金星嘅英文名叫 Venus。

#20 令一部機又影緊星軌 XDDDD

#21 呢張又中左﹐雙子座流星雨 ^^

大相在此 ^^

http://www.av100fun.com/viewtopic.php?f=8&t=204717

全輯係呢度

http://www.fotop.net/chisato721/star17122010

待續日出篇 感謝點閱




嘻嘻 十分喜歡的一首金曲 ^^ 

櫻花 @ HONG KONG 2011

除左日本﹐韓國呢D 賞櫻名所﹐其實係香港都有幾個地方可以欣賞到櫻花GA 雖然品種少D﹐棵數又少D﹐不過近近地﹐都不錯耶

二月尾﹐三月頭去了兩個地方影﹐拿拿介紹俾大家

嘻嘻﹐PREVIEW 幾張先


攝影時間 : 三月頭

地點: 大帽山扶倫公園

前往方法 : 九巴 51, 由如荃灣心廣場開出﹐經荃灣志鐵站上蓋 (30-40分鐘一班車)﹐大約十分鐘﹐ 大帽山"郊野公園"站落車﹐回頭行兩分鐘進入大帽山道入

口﹐ 右手邊有個廁所 + 士多﹐側邊就會見到 十棵左右的櫻花樹 ^^ 現在只有一棵開緊﹐ 預計月中前會滿開。

呢個就係櫻花園啦﹐大約十棵左右﹐算係 BB 櫻花樹﹐全部都係緋寒櫻 (又名山櫻花)﹐種子由台北陽明扶輪社致贈

月頭得一棵半開﹐信相中月全園櫻花會滿開 ^^

淺粉紅﹐好美的櫻花呢

來個近 SHOT﹐係唔係香的櫻花味呢

攝影期間好搞笑﹐有位女士走左入去﹐係棵櫻花樹下走了好多個圈 XDDDDDDDDDDDDDDDD 好似想祈求 一D野

唔知大家又估唔估到點解呢 

(提示﹐佢唔係傻 GA)



第二個賞的的地方:  長洲關公亭

長洲關公亭櫻花, 深紅色已經接近滿開﹐攝於二月尾

長洲櫻花問答篇. (轉自網上好心人士)

1.關公亭開放時間? 7:30AM 開門 4:00PM 關門.
2.D櫻花點來? 三十幾年前從台灣移植佐三十幾株過來,現在得番呢十幾株

.
3.D花幾時最多? 多數3月份最燦爛.(冬天後就開花,越凍越靚)
4.長洲的櫻花的名稱? 寒緋櫻, 有D叫佢山櫻,台灣櫻桃 ,鐘花櫻桃.
5.關公亭點點去?,長洲落船後, 轉右, 行1分鐘, 見魚類統營處, 行入條巷仔, 見"山頂道"個牌,又行入條巷仔, 出左巷仔, 右面見投注站, 左面見公廁, 行上條斜路就是關公忠義亭, 全程10分鐘左右, 不用行樓梯!

現在櫻花情況 : 深紅色已經接近滿開﹐不過殘殘地﹐令外有一棵淺粉紅就大

約 30%﹐令外有一棵還未開 @@ 所以要入去長洲﹐月中前就好入去﹐唔係就過左花期呢

長洲關公亭的石獅, 後面就係接近全開的櫻花啦 ^^

呢度幾棵櫻花樹 (同網上所講十幾棵又差呢 @@’‘) 以呢棵開得最早﹐有 70%﹐不過有D冇公德的人﹐搞斷左其一節樹技 =_=’‘ 有人話之前有人坐上樹枝上............... >_<

嘻嘻﹐呢張最喜歡﹐可以話係二月 BEST OF THE BEST 啊 相思仔 + 櫻花﹐超正啊

呢一棵淺色的櫻花樹﹐只得 20% 開花

嘉道理農場

除左 TMS 大霧山郊野公園同長洲﹐其實嘉道理農場都有的 ^^ 不過今年就唔到時間去 ^^ 因為 嘉道理農場 D 櫻花二月中已開心﹐相信大部份都落下。。。 所以只好等明年呢 ^^

前往方法:

乘坐九廣東鐵在大埔墟站或太和站下車，轉乘由九巴64K線(往元朗西方向)，在嘉道理農場暨植物園的大門前下車。

出住咁多先﹐遲下出埋其它櫻花相