永遠愛著您

早幾日打完兩日波﹐可能太熱關係﹐病了兩天﹐發夢時夢見好多好多與BB的片段。

想了好耐﹐最後都決定寫下這一篇 blog, 現在還是未能接受這個事實﹐還是好傷心.... 不過還是想寫下去... 記下開心的回憶... 人總是善忘的﹐過去的記憶﹐會隨時間去淡忘﹐無論多深刻﹐時間一過都會慢慢消失。所以想把感受一一寫下。

先講對不起呢﹐我想大家都好關心BB的近況﹐其實佢已經仙遊﹐變了貓仙人啦﹐以下文章係我對BB十八年來的回憶﹐假苦睇完唔開心﹐對不起呢﹐希望您們不會介意

若果您想了解BB多一點﹐請繼續看下去啦。若果怕睇完唔開心﹐都唔緊要﹐您 click 入來看都係我的朋友﹐我又點捨得朋友唔開心呢  有心就可以啦。

不過記住一樣野就係要好好珍惜身邊的人同物﹐時間流動得好快﹐轉下眼就十年﹐到想珍惜時可能太遲啦。

還有養小動物前記住要想清楚﹐要照顧佢一生一世﹐直到終老﹐您可以有好多朋友好多娛樂﹐寵物就衹有您一個﹐要好好愛護他們哦。佢地老死的時候都要陪係他們身邊。










1991年5月某一天﹐放學回家﹐入去洗手間﹐係浴江見到您﹐哈哈﹐當時只得兩星期大的您﹐好細隻﹐唔夠一隻手掌咁大﹐我嚇左一跳.... 以為係隻老鼠﹐看真原來係隻喵喵﹐係細妹D拎回來的﹐佢朋友隻貓貓生了好多隻﹐佢見咁可愛﹐就領養了BB啦﹐BB這個名係因為佢真係同一個BB一樣咁可愛咁純潔。所以我地就幫佢改了這個名字。



我想當時有咁細隻

BB絕對係全家中之寶﹐爸爸媽媽爺爺(女麻)(女麻)妹妹都好喜歡佢啊﹐記得一開始佢太細﹐所以爺爺就找了個紙皮箱﹐放了佢入去


哈哈﹐其實果箱畫細左﹐應該大多三陪左右

因為BB太細﹐唔識飲奶﹐我地只好用慢慢奶樽喂佢啦﹐當時佢好可愛﹐手手腳腳夾住個奶樽﹐不停咁飲不停咁飲﹐後來仲唔洗人幫手﹐放個奶樽落去個盒﹐自已就識飲啦


畫得唔太似﹐不過回憶起﹐這個情境都好開心呢﹐佢當時 size 同個樽差不多﹐真係吹都吹跌佢啊 ^^

日子一日一日地過﹐慢慢成長﹐跳下跳下﹐希望跳出盒外面﹐對外面更好奇

跳下又跌下﹐重複又重複

有一天終於跳出箱外面啦﹐BB大了﹐我地都冇再放佢係盒﹐佢自由自在地係家中走來走去﹐跳來跳去﹐為家中所有人帶來更多快樂﹐除了快樂﹐還有好多破壞, hehe, 其實都好少呢﹐只是多了好多抓印﹐不過都唔緊要啦﹐所有地方都留下您的毛毛。



年輕時的您訓覺的位置真係無處不在呢﹐係自已間貓貓屋la ,電視機頂﹐sofa, 餐桌上啦﹐成二米幾高組合櫃頂(呢度係唔係風涼水冷呢)﹐speaker頂﹐祖母妹妹的房間,爸爸媽媽的房﹐我同爺爺房間的衣櫃﹐電腦櫃入面﹐枕頭上面﹐被上面﹐總之差不多可以訓 gei 地方您都訓過 哈哈﹐不過您最喜歡訓係我D衫上面﹐有D衫仲被您KO左 tim ar >_<'''

年輕時﹐我每次用手指敲打地上﹐您就好似一架電單車衝過來﹐最先係原地係咁前後震下震下﹐好似個摩打咁﹐之後就高速衝過來﹐哈哈﹐係唔係好好玩呢

由細到大﹐都好喜歡伸隻手入門 "la"位了野﹐哈哈﹐有時我咪拎D報紙同您玩﹐您又係咁了﹐不過您好 enjoy wow :D

BB您最叻就係識去 toilet, 鋪下報紙的盤﹐您自自然然就會去搞掂﹐冇四圍便便呢﹐真係底錫啊

 
waka, 我都唔係好識表達﹐不過養過貓gei 您都會知道D gei

日子過得好快﹐轉眼已經十年﹐您已經不是當日的小妹妹﹐已經變成家中的女王﹐家中的大姐姐。沒有變就係我地大家一樣咁愛您 ^^


2002年時拍下的一張照片﹐
11歲的您還是好年輕 :)
還是美麗動人

這時的您還是充滿活力﹐跑跑跳跳﹐家中任何地方您都去過﹐唔知您最愛係邊一個地方?

對不起呢﹐原來我沒有為您拍下太多照片.. 直到 2007 年這年開始

不要嬲好嗎?
因為我腦海
中已經記下
您的所有

現在開始
我會多點
拍下您

無論夏天冬天﹐您都總想入我的睡房,係嗎?年輕時﹐您輕易就跳上我張床﹐
年老時﹐跳不上﹐不緊要﹐就由我抱您。不過您就重左好多 lor

雖然您好似個火爐﹐又有時發爛渣﹐但我都好喜歡您係我側邊睡覺。

有時您唔聽話﹐唔俾您入來﹐您唔好嬲wow

BB 您真係好喜歡曬太陽呢

不過可解每次曬太陽您都特別燥呢@@?

被您咬左好多下﹐抓了好多次﹐不過都唔緊要呢 反正都唔係真咬

係咪等左好耐都未有野食呢﹐不過您有冇覺得一日咁多餐﹐已經成隻嘉德里奧啦﹐要減下啦,唔好笑笑口﹐扮唔知

為了您健康﹐只是給您貓糧﹐覺得悶嗎? 不過呢﹐這些年來﹐您都冇病過﹐我想咁會好D ^^

好彩有時都有得食您最愛的蟹柳
每次一有蟹柳放係雪櫃﹐您係任何位置都聞到﹐以九秒九就來到雪櫃側邊

蟹柳 gei 魔力真係大呢﹐不過唔可以俾太多您食 ga, 因為都唔太健康呢

每次我開水沖涼﹐聽到水聲﹐您總是入去洗手間八掛八掛,hehe, 我咪用水潑您lor,之後您就雞咁腳走番出去。

講開又講﹐BB其實除左八掛之外﹐都係好細膽﹐最多係我地上學返工出街時先走出門口﹐仲要唔會行得好遠﹐望住我地等 lift。不過有一次您真係大膽啊﹐居然搭左 lift 落樓下﹐嘩.... 差D唔見左您啊﹐好彩管理員冇開門俾您走出去﹐唔係以您咁細膽又騰雞﹐走左出去都唔知點算好啊 ^^

至從呢次大冒險,就冇離開門口二米範圍啦 定還是太肥出唔到去呢 ^^

成日訓﹐不過係風扇下面訓個晏覺又真係好爽 gei

有相為証﹐
您望下您幾似加德利奧

我買左部新遊戲機啊﹐不過您都唔洗頭痛呢﹐因為我一樣會陪您玩﹐唔會冷落您呢 ^^

每次有一新買 gei 野﹐無論盒﹐袋都要給您去檢查一下, hehe, 總是喜歡用頭去 "Hi" 個盒袋

BB﹐不過我最喜歡一樣野就係﹐每一日﹐我回家﹐您總是走到門口走廊位 "hi"牆歡迎我﹐只要見到您﹐失意唔開心的時候﹐又會充滿力量﹐多謝您無數次出來迎接我 這個情境﹐我永遠都記得﹐現在沒有您的迎接﹐總是唔習慣.... 家人說﹐大約出在我出 lift 時間, BB 就已經知道我回來﹐好快好快就準備去到走廊位等﹐真係聽話呢

BB說: 後面果舊係乜東東?
森里說: 係哥哥買回來﹐來影您gei 架生

BB說:  我想訓覺﹐唔該拎走佢 三^O^三

BB 說: 多謝哥哥﹐我去訓啦

哈哈﹐懶到屎 ^^

2008年九月﹐BB病了﹐好多日都唔食野﹐只是飲水﹐感覺您老了好多﹐精神沒有以往的好﹐看完醫生﹐知道您腎病﹐好傷心啊... 對唔住啊﹐幫唔到您...
您一日比一日瘦﹐一日比一日冇精神..

醫生說您活的時間不會太耐﹐最好試下入院住幾日﹐吊下鹽水﹐這樣可以清一清體內毒素... 有機會恢復食慾﹐若果唔入院病程會越來越嚴重﹐最後決定入院﹐

第二天探BB﹐最初 BB沒有擰轉頭望我地啊 U__U﹐您係唔係以為我地唔要您呢﹐不過都正常 gei, 活了成 17年﹐除了 desex 果一次入了院一日﹐都冇離開屋企﹐我想您一定好唔開心呢﹐住院第一天﹐見您的眼神好傷感﹐不過我地都係為您好呢。好彩叫了您一陣﹐您都有望我地。過了三日﹐醫生話情況好轉﹐已經有進食﹐可以回家﹐於是這一天提早放工就去醫院接BB回家﹐當時我同佢講﹐BB您要聽話﹐係個袋唔好叫啊﹐我地搭巴士回家啦﹐佢真係好聽話﹐完全好靜咁係袋入面訓

無陰公﹐心口D毛冇晒... 不過冇法呢﹐因為您病左啊﹐好彩您都食番野﹐只希望您開開心心生活下去。好好過每一天

十月頭回家到十二中﹐BB情況都算幾好﹐都好精神﹐冇絕食﹐正當便便。

不過到了上年十二月尾至今年一月頭﹐情況又有變﹐BB又再絕食﹐醫生話若果BB再絕食﹐情況好唔樂觀了。這些日子﹐BB再沒有氣力到走廊迎接我地﹐多數時間都在休息﹐沒有主動進食﹐唯有我地去喂佢。有一次家人﹐話BB 想行去走廊迎接我﹐但最後行左一半都停下來﹐您真係乖啊。。。多謝您﹐我知道了



09年1月14日這一天﹐我為您拍下最後一輯的相片﹐我知道您已經身體好弱﹐唔知還可以支持到幾時.. 好傷心...好無助...

09年1月17這一天晚上﹐您的叫聲好慘﹐我從來都未聽過您叫得這樣慘﹐您在籃上面突然抽畜。。。見到您好辛苦﹐我拼命叫住您﹐最後您回復過來﹐但呢幾日您都沒有力量離開您的床﹐我都知道您快要離開......但您軟弱的身體.... 還可以支持到幾耐...

當時您係唔係希望係家中安然離去? 您係唔係唔掛館我地﹐才回復過來... 對不起呢...
或者個一刻給您安靜離去﹐可能會更好。

這一天﹐我地同您再次去了醫院﹐不過醫生話已經冇得醫﹐腎病問題已經令您積得太多毒素﹐影響了體溫﹐大量脫水﹐若果堅持要回家﹐您會好痛苦﹐對不起呢.... 這幾天﹐見到您軟弱冇力﹐唔想您再受苦﹐所以最後決定打針﹐令您好好睡著離去﹐請不要嬲我地好嗎? 或者您好想係家中離中﹐不過您已經好辛苦﹐我地想您舒服一點﹐您開心地來到這個世界﹐我地都希望您開心一點離去。當時我見您的眼神好掛念我地﹐唔想離開....活了十八年﹐您已經好叻。已經做得好好呢。。。



2009年1月18日 6:15pm
BB﹐再見了﹐您是我青梅竹馬的好朋友﹐好妹妹﹐好姐姐﹐最珍貴的寶貝
多謝您給我們十八年來無數快樂的回憶﹐感謝與您相遇﹐哥哥會活得更開心﹐不用擔心我啦

您要好好保重﹐希望您係貓貓天堂繼續快樂地生活﹐若果有一天天堂太悶﹐就來找我啦 :) 我會更加愛護您﹐為您影更多更多美麗相片....