今日好黑啊....
因為今早打7-9 網球﹐之後跟住影相。所以前晚早上床﹐點知失眠
去到水機壞了
打完波﹐沖左涼就行過去上城門水塘路口﹐朋友坐的士過來﹐順風車入地水塘士多﹐還有水啊﹐真係感謝啊
入到士多再買少少飲品﹐咁我地 10:30 左右開始行﹐點知去今日景點的地方修路
行左成兩粒鐘﹐我地拎晒腳架同好多鏡頭﹐行兩粒鐘確係好苦
﹐大約兩小時就找到今日我地想影 gei 水浸百千層﹐不過果個位就一般﹐又唔係我地今日要去的位置﹐咁我地繼續行﹐點知影下影下部相機仲壞鬼左﹐相中出現黑影。。。
最慘係太熱﹐水都飲晒﹐絕對係斷水斷糧﹐個肚仲打鼓 ... wakaka
打鼓聲大到朋友都聽到。
當時只想快D行晒﹐好想食嘆番個下午茶加杯凍檸茶....
最後三點回到士多﹐買番支賽礦力﹐嘩﹐絕對係人間極品啊
之後落番荃灣來個瑞士雞翼撈麵加凍檸茶
回家沖個涼訓番個覺....
U_U
最有氣力時影的
monkey 仔上面黑影就係今日第一張有問題的相片啦.....
死死下時影
不過從好方面就係﹐最少行晒成個水塘﹐下次可以以最短路程找到景影﹐機唔係重要時刻冇壞﹐wakaka , 我還有精力打 blog, 還不錯啦﹐不過修理費都唔平﹐時關過左保................
打鼓聲大到朋友都聽到 <<<
回覆刪除[版主回覆09/05/2009 23:49:00]冇計啦﹐我食左幾粒燒賣就去打波
你都好充實,這麼早起來打球...
回覆刪除算啦,黑完食番好嘅 ,下次找再景點就易好多,成個水塘俾你行晒...
我現在都好早覆你,因為失眠,應該是你傳染過來...今早不會輪到我黑仔掛
[版主回覆09/06/2009 22:32:00]係啊﹐事關呢兩個活動都係早幾日決定 所以只 book 到7-9am 說得對﹐不過都唔係太黑, hehe, 同埋黑完就有好運﹐明天去買六合彩先 嘩﹐街方﹐妳都失眠啊 冇計啦﹐鬼叫住得近咩 唔知妳今日有冇黑仔呢 應該冇 gei 因為我第六感好準ga, 妳應該有好運
嘩咁又係黑仔咗啲！喂下次你去啲荒山野嶺影相，不防帶︰
回覆刪除1. 水噴霧 (去無印買樽自已入啲凍滾水入去)
得閒噴吓包你唔會中暑！啲風吹埋嚟又涼好多....必要時當水飲都得！呢支野係豬桐至愛嚟架！次次跑步佢一定要帶架
2. 驚整濕部機唔想噴水都得...咁你問定朗朗攞幾塊退熱貼，貼邊度自已鍾意啦！都可以涼好多架！
[版主回覆09/06/2009 22:49:00]hehe, 少少黑啦﹐今日都冇穿冇爛﹐冇再黑﹐還不錯啦 豬媽呢兩個提意﹐好好啊 下次行山影相都要試下﹐舒服D﹐影相都好 mood d 啊 唔該晒啊
真係幾黑仔WOR~
回覆刪除上面水塘那張相好美，很有油畫的感覺。
[版主回覆09/06/2009 22:34:00]少少黑啦﹐相機都估計就快有問題 ﹐其它都好小事﹐只不過講下笑而已 上面張相﹐我加左D特效﹐所以更似油畫﹐不過昨日天氣真係好好啊﹐藍天白雲﹐非常正
上面那張城門水塘水塔相果然影得很靚 !! 你有無加到特別效果入去 ??
回覆刪除有無去過城門水塘內的大城石澗,那處風景很美!! 曾經有很多武俠片在這處取景.................
[版主回覆09/06/2009 22:47:00]係啊﹐水塘相用了 photoshop 加了 effect 多謝loveink 讚賞 我地又冇去過大城石澗 唔知係邊個位置﹐ 只是見到好多牛牛﹐下次再去的話都要去睇下
黑得嚟都唔算太黑, 起碼有好收穫!!!!
回覆刪除靚!
[版主回覆09/06/2009 22:35:00]hehe, 小小黑啦 不過可以同D朋友傾下偈﹐影下相﹐行下山﹐嘆下美食﹐還不錯呢
hahaaa... 好好笑...
回覆刪除sorry..唔係話你黑仔好笑...係話你寫得好好笑...能夠將黑仔幾重奏用咁開心方式寫出來都幾難得...張相影得好似幅畫咁靚...
瑞士雞翼撈麵加凍檸茶 goodgoodgood
這樣簡單就已經好幸福..
[版主回覆09/06/2009 22:45:00]晚上好啊 其實都係少少黑﹐都冇乜野﹐還是開心地同朋友打波﹐影相﹐傾偈行山﹐嘆下午茶﹐所以都黑唔晒 只是有D肉痛﹐相機修理費唔平﹐幸好不是重要時候壞﹐所以還可以呢 嘆瑞士雞翼撈麵加凍檸茶個一刻真係好滿足 簡簡單單一個下午茶﹐其實已經好開心好幸福呢
ar??? 真係好黑仔喎!!! 如果係我...我會覺得相機壞o左就最唔開心lar!
回覆刪除不過一日之內...黑曬所有事, 好過分幾日先黑...咁樣仲難過...仲慘呀!!!
所以.....而家開始...唔再黑o架lar~
雖然相機出現問題, 但我又覺得水塘個張影出效果又好特別喎!! 唔似相呀!! 似幅畫呢~
[版主回覆09/06/2009 22:40:00]晚上好啊﹐唯一 少少黑啦 相機壞了﹐確係煩﹐又要等一段時間先搞到掂﹐不過還好﹐因為唔係D重要場合壞了﹐未黑得晒 好似妳咁講﹐一日黑晒就 ok, 今日冇黑, 都好好呢 誠妳貴言啊 水塘個張相我加左D特別效果﹐出來更加夢幻 原畫係咁ga
街坊...呢排早上我好似唔見你啦...
回覆刪除早前我見的那個人真的好像你呢...第6感也告訴我是你來的...
[版主回覆09/06/2009 23:14:00]hehe, 果個不是我來啦 妳個第6感壞左﹐要修理一下
回覆刪除呢張正常好多呀!! 又唔覺係出於壞o左相機影呢!! 個天依然好靚呀~
[版主回覆09/06/2009 23:16:00]呢張都好好啊﹐因為當時藍天白雲﹐同埋係行左大約 15min 時影的。 行左大約 4個鐘後先壞機
瑞士雞翼撈麵加凍檸茶 無介紹錯呢~
回覆刪除谷底回昇 v型反彈 好好運架啦~
[版主回覆09/09/2009 01:42:00]正啊﹐不過成日覺得翠華好鬼貴 多謝啊 都係小小黑﹐不過可以同妳地一起hea 都不錯啊 下次要影得盡情D
可能係 快門 有事wooooooooo 話晒都係 農暦 七月 你咪當 破財 擋災 law
回覆刪除[版主回覆09/09/2009 01:45:00]係啊﹐快門有事啊﹐實收 1300 破財擋災講得對呢
簡直係慘絕人寰啊
回覆刪除[版主回覆09/09/2009 01:48:00]哈哈﹐當日都覺得慘 ga 不過諗諗下都唔係咁慘 不過真係要破財
可能果日狀態嘛嘛就好似事事不順..但最緊要輕鬆面對都係大事化小,小事化無囉..啱聽嗎..
回覆刪除哈哈..我都係有時咬幾粒魚蛋呀, 燒賣定肚跟住做運動喎..
[版主回覆09/09/2009 01:56:00]YEAH!!!講得全對 我都咁諗啊﹐只要正面D去諗﹐從令一個角度去諗﹐都係好小事 今日昨日一樣咁開心 明日一樣 查實我係想吃多D先去打﹐不過太早﹐得 OK 有野食
呢段路都幾好行架,如果秋天後行仲好.相機壞左咪無得影相? 壞左不如買過一部新啦.
回覆刪除[版主回覆09/09/2009 01:59:00]我地太多架生﹐身水身汗﹐一D都唔好行 不過秋天當行山﹐應該ok gei, 相機壞左緊係拎去修理啦﹐我都想買新啊﹐要等中六合彩先得﹐今日買左未對 tim, 不過我估應該中左
春夏秋冬的城門水塘景象,我都記憶猶新,所以我覺得你在相中加了特別效果......... 就算無加Special Effect 的那張都影得很靚!! 唉! 我祇係識用儍瓜機映相!! 真係要跟你呢位前輩學吓映相啦 !! 李嘉誠最近回應記者時: 見到綠線綠油油的垃圾山,都話心曠神怡! 如果比李嘉誠睇到你映呢張咁靚嘅相,唔知他會怎樣形容??䏲
回覆刪除係我 Daddy 帶我去城門水塘內的大城石澗,如今他已魂歸天國 !! 我記性又唔係咁好!! 唔記得咗由邊度行入去 ?? 不過,我剛剛問咗比我記性好和去得個度多個我嘅細妹,她話由城門水塘綠色小巴站附近有個大閘行入去,約 45 分鐘就見到大城石澗啦 !! 不過,如果個近日落雨太多,就千萬不要去啦 !! 我曾在報紙見到那處曾因落雨太多,引致山洪暴發! 沖走及溺斃了行山人 !!
[版主回覆09/14/2009 22:39:00]多謝讚賞啊 城門水塘我只去過幾次呢 多謝你 gei 情報啊 ﹐日後有機會要再去影下先 不過你提過gei地方﹐可能我果日有經過﹐我見到有人係果度放狗狗游水
張相整好之後好靚呀...
回覆刪除[版主回覆09/09/2009 01:36:00]hehe, 多謝小豬
你好呀----真係幾黑仔啊-----我只是試過去到景點冇帶記憶卡,好在附近有得賣尚可以------
回覆刪除[版主回覆09/10/2009 20:37:00]Wendy 妳好啊﹐多謝妳到訪 都係小小黑﹐仲係冇幾可gei 黑 去到景點﹐先記得記憶卡冇拎﹐好彩有得買﹐唔係就好掃興lu
oh too bad, but at least you have time to enjoy the walk!!!
回覆刪除[版主回覆09/10/2009 20:40:00]雖然黑﹐不過都冇乜唔開心﹐事關一樣可以有得玩﹐有得食﹐有得影
woo...壞相機...好慘....除咗要比$$$$$$$$$$$外...仲要等...~~~
回覆刪除黑氣好快過...放心吧....~~
[版主回覆09/14/2009 22:41:00]thxthx 阿檬 其實 都用了一段長時間﹐都覺shutter有D問題﹐今次算好彩﹐唔係重要時間壞﹐不過就要等成十日先搞掂
你唔夠訓、詅咁重既腳架鏡頭，仲要行2個鐘，真係辛苦呀！
回覆刪除不過影到靚相，辛苦點也值得啊！
[版主回覆09/14/2009 22:42:00]係啊﹐當時都幾累 ga, 因為又熱又累﹐好彩平時叫做多做運動﹐都不至於太大問題 影到靚相又可以同D朋友傾下偈﹐都不錯呢