歲月神偷

近年來已經好少去看港產片呢﹐不過呢套戲外間評價幾高﹐細妹看過又話好﹐又有朋友話唔錯﹐所以復活節 約了朋友們一起去看。可能假日關係﹐全場爆滿﹐上了接近一個月的戲﹐真係不錯呢。

故事簡簡單單﹐以主角一家四口生活帶出 60 年代親情﹐愛情﹐ 人與人之間的情﹐
每個角色都演得好自然﹐  以呢套戲多D了解爸爸媽媽生活的年代﹐真不錯呢﹐ 日後出了碟要買隻碟俾家人看下呢 ﹕P

1) 60年代 鄰居 之間的情

60年代 鄰居之間守望相助之情真係既溫馨又真誠﹐就像自已人一樣﹐不分你我。
各家各戶在門口吃飯真係正呢﹐ 你又吃對方的飯菜﹐佢又飲番你的湯﹐人情味好濃厚呢﹐比天下任可美食更濃更真貴﹐睇番套戲先知從前﹐唔係個個都有電話﹐係要徣鄰居電話﹐果種搞動電話好憶念呢﹐記得細細個時係外婆家都有玩過啊﹐哈哈﹐不過打電話要打好耐 wow, 但又好好玩 ga

﹐

不過講番電話﹐從前沒有手提電話﹐我都記得好多朋友﹐同學仔的電話 ga, 唔係寫係電話薄入面﹐係記係心入面﹐我諗最少都 20  個以上 ga  從前一打電話﹐就會知朋友同學仔係邊﹐因為一定會係家中呢﹐相約一起去玩都會以電話去溝通﹐有時係家中等電話的心情總是好期侍﹐感到從前大家的心都近好多﹐現在太多方法去找到對方, Facebook, msn, mail, 手提﹐真係會用電話打去對方家已經越來越少﹐或者連朋友家中的電話都不會知。有時會覺得手提電話一旦壞了﹐真係會冇晒朋友ga XDDDD  電話 no. 除左係家人果D會記得﹐其它都在記憶體入面呢。。。。。

小時候住在屋村﹐每一家人都打開門呢,好喜歡去鄰居玩﹐又時仲會係佢地家吃飯 tim, 從前住的屋村係一條好長的走廊﹐我都係係呢條長長走廊學識踏單車 ga 不過條走廊有時都有D恐怖 ﹐特別係夜晚回家都時候 @_@''' D 光管有時壞壞地﹐閃閃下﹐真係好鬼死嚇人 ga。不過搬離屋村﹐所住的地方大了﹐與鄰居的距遠了呢﹐平時大家都關上們﹐說實在同層都唔係認識太多人﹐平時見面只係閒談幾句。人與人之間的距離好像越來越遠呢﹐人情味隨時代慢慢變淡﹐唔知係唔係歲月神偷所做 gei 呢

2) 天台學校

都係第一見﹐若果熱天同冬天都幾係野 ga , 不過我諗當時來講有書讀已經好好﹐ 爸爸媽媽話佢細個時都讀過呢﹐佢地話從前上學好開心的﹐期待每一天的來臨﹐因為從前小朋友都要早出來工作﹐所以讀書的時間不會太長﹐要好好珍惜每一天呢。戲中係學校入面唱的歌﹐係一首蘇格蘭民搖, haha , 呢首係新一本 violin 書都有 ga,  之前去 violin gathering,  大家都有合奏過﹐真係幾好聽 ga, 要努力D﹐遲些要拉得好呢首曲

進二給老師罰的報時好搞笑﹐問過家人佢地都未見過 wow﹐不過進二用幾枝筆去寫罰抄就有共鳴﹐我記得細小時候好像有一種工具﹐插二支筆落去﹐寫野/ 畫野都會 一次出 double ga @_@ 其實果種工具係幫助畫畫的﹐不過 XDDDDDD



3) 從前的節日 與每個人做人態度

故事入面中秋節時節日氣氛好濃厚 ga, 大家都手執自製燈籠, 小孩玩的鉄做轉動燈籠好得意啊﹐都係第一次見到炸。

戲中父母供了月餅會﹐大部份都送給親戚﹐一家人只可以分到二個﹐細仔好失望﹐為了想食晒成盒雙黃蓮蓉月，他自己偷偷的賺錢(賣明星相好搞笑啊﹐原來多年前 信和明星相始祖就係 50/60代 )﹐去學 大人去供月餅會﹐努力去達成自已所需的﹐真係好難得﹐現在小朋友都好幸福﹐只要開聲﹐父母都會滿足﹐所以好易變得軟弱﹐從前的人都好努力﹐少埋怨﹐堅持﹐努力去一步一步達到自已的理想﹐就好似太太

同丈夫所講  鞋字半邊難, 但鞋字亦有半邊佳, 一步難, 一步佳, "做人總要信." 所以呢﹐  懷著信心及樂觀積極面對 人生, 就算再苦再難亦會渡過﹐困境之後就是「好境」, 少埋怨﹐多體諒﹐人都都會開心好多呢 。

記得小時候都好喜歡中秋 ga, 同細妹﹐其它鄰居小朋友一起落公園點蠟燭同玩燈籠﹐哈哈﹐仲有煲蠟 tim, 真係有D 危險 ga , 因為D 火真係可以好高 ga,  果時太細個﹐真係唔識驚 ...... @_@''' 除了煲蠟 ﹐我同細妹試過用月餅鐵盒去煎威化餅 放D餅係鐵盒面﹐下面用蠟去加熱鐵盒﹐都幾香 ga 咁當然係冇食到 ga la.

4) 父子之情

2. 任達華與細仔的對話真係笑中有淚

第一次

父:今日學校教D乜
子: 中文同英文
父: 中文教乜
子: 中文
父: 英文教乜
子: 英文

第二次
父: 今日學校教D乜
子: 中文同英文
父: 中文教乜
子: 英文
父: 英文教乜
子: 中文

第三次 (大哥已得了絕症後的對話)
父: 今日學校教D乜
子: 中文同英文
父: 中文教乜
子: 小朋友念了成首詩歌出來
父: 英文教乜
子:  (呢個唔係好記得﹐大致都係所學的內客)

第一二次都好搞笑呢﹐哈哈﹐小朋友可能冇乜心機同爸親對話﹐所以是旦回答﹐不過父親都沒有責怪﹐可能係佢心目中﹐只要子女乖乖地就可以啦﹐從前的父母都好希望子女成龍﹐不過都唔會給子女太大壓力﹐只要佢地未來係一個好人就可以啦。

第三次的對話真係幾感人﹐對於巨蟹座的我, 不禁流了感動的淚﹐覺得兩父子終於打開心窗﹐細仔希望父親更了解自己 :)  又希望父親不用擔心他﹐事關哥哥已經病了﹐所以佢都想生性D﹐我都好喜歡與父親傾偈﹐雖則佢都幾長氣 :P 不過可以分享自已的所見與感受確係開心幸福的事情。

除了對細仔的愛﹐對大仔都係十分愛惜﹐父親辛苦賺錢, 每個月都早早幫兒子交學費, 免得大仔係名校給人看不起﹐古語有云 養兒一百歲,長懮九十九 ﹐這點真係冇講錯 除此賣了結婚戒指, 是為了醫治兒子的病患, 在醫院妻子拖住手指空空的老公看著恢復過來的兒子﹐ 相信沒有一位觀眾不流下感動的淚呢﹐天下父母就是這樣偉大﹐只要子女活得好﹐什麼都願意。

講番從前的醫院又真係太過份呢﹐入面果D醫護人員﹐  真係好鬼死冇品啊﹐完全冇醫德呢﹐要杯水﹐打下針都要錢﹐一包新鮮血要 200 大元﹐我諗最少等同現在幾萬元 @@ 因為一隻結婚戒指只係值 $200炸。 爸爸話從前醫院就係咁﹐叫醫護人員做野都要有利是 ga..............  除了醫院貪﹐警察仲貪﹐要生活要開擋就要收保護費..... 咁同黑社會真係冇分呢。之前生活已經不易 ga la, 仲要辛辛苦苦養果班人﹐戲入面果個 西洋大頭綠衣真係一個有牌爛仔﹐討厭到爆啊﹐好彩廉記出現﹐這些不好的才消失

5 夫妻之情

兩公婆﹐一個做鞋﹐一個賣鞋, 夫妻擋﹐一同去捱﹐生活簡單但來得開心﹐一起苦一起甜 ﹐ 就同一步難﹐一步佳同一道理﹐妻子腳上的"雞眼 丈夫為她所造的鞋﹐這份體貼關顧﹐真係好難得呢﹐有時兩個人相處關懷體貼好重要﹐重視對方的感受才是維持關係的關鍵

6 打風

原來從打風真係好大近視 ga .............. 可以話係一鋪清袋 @_@''' 從前打風真係好危險，會死人的﹐從戲中可以知道一二﹐事關從前大部份的屋都好脆弱﹐一打大風﹐真係會成間屋吹散........... 現在大部份人都居住在石屎屋入面﹐打風只會想到有冇得放假 ..........

故事中 全家人同心協力的去保護﹐命都可以唔要﹐為的就是 "最緊要保住個頂”﹐真係好呢﹐可能一家團結去做一件﹔事情


7 你阿爸個仔

唔係好明點解 tim, 係從前的粗口來﹐不過解讀唔到 X_X''''

8 永利街

真係唔知係邊度﹐試過一次返工訓過"龍"  XDDDDDDDDD 好似經過一次﹐不過沒有太多印象, 不過故仔入面 以 深水土步 為舞台﹐有一幕係影著嘉頓麵包大樓的鐘 ga, 哈哈﹐因為我中小學時都係果區﹐呢個嘉頓麵包大樓真係成為 SSP 地標呢 :P

9 英母字調轉讀

原來都唔易 XDDDD 我睇緊戲時都一試﹐冇經過訓練係唔得 ga wakakaka

10 魚魚的記憶 & 鬥魚

戲入面 大仔進一話魚魚的記憶只係得 3s @_@ 都係第一次聽﹐魚魚得 3s 記憶﹐所以由一個地方去令一個地方都會好似發現新大陸一樣咁開心 ga :) 咁又幾好 wow, 向著新目標進發﹐開心過後又進發﹐都不錯咁 wow。上網查過﹐有D文章話魚魚有 7s 記憶﹐又有D又話 30s @@''' 有D又話幾個月 , haha ﹐ 都唔知邊樣先係真

入面 gei 鬥魚，小時候都玩過啊﹐用電筒照/用鏡照佢地﹐佢地會谷行自已﹐進入戰鬥 mode 仲有玩過 金絲貓/豹虎（ XDDDD 唔係鬼妹係 蜘蛛精果D）﹐小學時候街邊 (後巷)有得賣 ga XDDD 要抽簽的, 有D叫紅孩兒又有D叫王上王﹐方世玉、孫悟空 @@ 這些情景還是好有印像

11 神偷

hehe, 細佬真係一個神偷﹐乜鬼野都偷回家 XDDDDDDDDD , 最搞笑係夜光杯啊 XDDD 又會收係果個地方 gei wakakaka, 不過講番神偷﹐時間真係名符其實一名神偷 The Greatest thief of all is  TIME." 係一動聲色下 真係偷走了每個人重要的東西

好似細佬咁講﹐哥哥所有野俾人偷晒

我們今天所擁有的, 歲月都可以偷走﹐ 歲月可以偷走至親至愛的人﹐就像大仔/父親一樣﹐沒有得選擇﹐要離開的始終要離開。今日的成就可以輕易被 歲月偷走﹐永遠第一的大哥﹐從前的第一﹐昨天的第三到今天訓在病床上。

哥哥對細佬所說﹐在世界上沒有任何東西是"永遠有效"的"﹐沒有永恆沒有必然的事﹐所以要學懂感受生命中的每一秒﹐好好珍惜所有﹐無論日子係難係佳, 時間都會繼續走﹐不會停下來﹐人生無常 , 好好活著每一天已經足夠﹐哪怕明天突然離去﹐都唔會有太多遺憾。







好喜歡的一首曲與故事:) 阿甘的一生﹐時間不斷過去﹐親人﹐愛人一個一個離去﹐但阿甘總係樂觀去面對