一千一日三十六日 快樂滿足的日子

一千一日三十六日 快樂滿足的日子

致各位親愛的朋友們﹐



3 years, 1 month, 10 days (第七百篇)

唔經唔覺寫了 BLOG  已經 3年有多啦 ^^ 這個 BLOG 已經三歲啦﹐又係第七百篇﹐ 祝佢生日快樂先, hehe, 要繼續開心快樂﹐健健康康啊 ^^

究竟三年有幾長 @V@

98,150,400 seconds
1,635,840 minutes
27,264 hours
162 weeks  


 最初寫 BLOG 都係為左係攝影朋友 BLOG 上面留言﹐ 不過佢地都冇寫啦 XDD 轉戰 FB﹐ 個人對 FB 冇太大投入感﹐ 個人感覺 FB 就好似大達

地﹐ 加上作為寫日記唔太適合﹐因為本身設計上關係﹐基本上要找番 寫過D乜東東﹐ 都好難下 @@  但係 yahoo blog 就感覺像家一樣﹐ 每個來留

言就好似老友一樣﹐ 來了解你 :P

開頭沒有明確的方向 ﹐ 不過現在都冇 (XDDDDD 即係話﹐有乜寫乜﹐ 大家睇下我右邊果D分類就知啦 waka)

最初時沒有 BLOG 友﹐基本上都係去已識的朋友睇下留下言﹐ 自己就寫下有關攝影上的 BLOG﹐ 又時就 POST 下喜歡的文章﹐ 知道有最近訪客

呢樣東東 ﹐ 咁又睇下邊個來過﹐又去番訪客的 BLOG 睇下留下言﹐ 大致上就係咁認識 BLOG 友 la :P 每一天都好期待新的回應﹐閒時都會巡下

探下 朋友﹐ 個人覺得用朋友稱呼來得適合﹐ 雖然都有唔少朋友只係文字上的交流﹐ 但係都有D在現實中成為朋友 :) 不過呢﹐ 日子一日一日的過﹐

慢慢已建立一份友宜﹐ 即係話耐唔時就會想起這些朋友﹐咁用朋友比BLOG友來得合適 (對於我來說 ^^)

好多人都會覺得網上面所寫好多都唔係真﹐ 因為大多人所寫都不用負責任﹐ 真假好難分﹐ 好難會識到朋友﹐但又我覺得唔係呢﹐ 從前的人以筆會

友﹐可能係現實中從未見過﹐ 不是一樣可以好了解對方﹐成為知心好友。最重要係願意打開心扉﹐若果真心去交流﹐ 對方一定會感受到 :) 所以可能
傻傻地﹐不過冇所為啦 :P 痴痴呆呆都不錯耶﹐ 順其自然就可以呢 ^^

寫 BLOG 是一樣好開心的事情來﹐ 因為分享本身就係一樣開心的事情﹐ 有朋友一起分享開心﹐開心就會陪增﹐ 唔開心的事情給分擔﹐ 不只減半哦﹐

可能只是一句簡單的鼓勵說話﹐已經係好好的支持。感謝大家的留言﹐這些都係這個 部落重要的寶物。除了寫BLOG﹐ 睇朋友們所寫的﹐總會從

對方所寫所見令自己認識更多, 從中獲益良多 ^^就算沒有人看﹐最少記錄自己生活所遇到的事﹐往後回憶都不錯 ^^

寫了三年﹐ 朋友的數目越來越多﹐ 確係開心的事情﹐不過相對之前就不能探訪太密﹐始終分配在 BLOG 的時間有限呢 ^^‘’ 所以朋友們請不要介意

啊﹐ 一有時間就會探大家的  :P

令一樣比較深感受的事情就係﹐ 一夜間突然消失 >_< ﹐ 所有 BLOG 可以一次過唔見晒..... 就算留言都再沒有任何消息..... ;_; 當然每個人 對

於 BLOG 的睇法不同.. 對於文字上的交流睇法都不同﹐對於 BLOG友的定位不同﹐但係有時都幾唔開心GA﹐ 當你以為與對方建立一定的友情後

﹐ 原來關係係咁薄弱的 ﹔_﹔ 其實最主要係擔心對方係唔係遇到一些不快的事情而突然消失 @@ 不過無論如何都唔會覺得交流係白費的 :D 因

為與每一個人相遇都係一種綠份﹐寫BLOG 的人就如星星數目一樣多﹐ 就算擦身而過﹐都已經好難得﹐祝福這些不在寫BLOG的朋友生活都愉快

呢 ^^

哈哈﹐不過大家不用擔心 XDDDDD 我呢度係唔會執的﹐可以 100% 保證  :) (除非 YBLOG 執粒﹐不過就算佢執粒﹐我都會搬屋通知大家的 ^^) 加

上我好鬼老土古板的﹐一但喜歡上就會繼續堅持落去 :) 盡力做到最好﹐哈哈﹐這個係我個 BLOG名  ar  - Do the Best :P  不過呢﹐朋友仔若果日

後您不再寫BLOG﹐都留個 contact ^^  嘻嘻, 我先留番自己果個先﹐ dickens721@yahoo.com.hk ﹐ 這個 email 已經用左 over 5 年﹐往後都會繼

續用的﹐ 用到屎為止 XDDD 又或者啊若接鬼左﹐ 所以要contact 我﹐除左BLOG﹐ mail 都得 ^^

呵呵﹐大家唔介意又入去玩下呢個遊戲啦 :P 茶實有D已知生日的朋友仔﹐ 雖然冇佢電話﹐不過生日日期已經入左去手提 :P  

http://hk.myblog.yahoo.com/dickens721/article?mid=653


寫了三年一個月多DD﹐ 原來 7 April 2011 呢日累積溜覽已經有十萬啦﹐ 好感動﹐ 因為全靠各位朋友﹐雖然寫 BLOG 首要滿足自己﹐但有人喜歡看

﹐ 係一件好開心的事情來 ^^ 再睇睇 原來回應已經有 12357 咁多啦﹐多謝大家啊﹐因為有一半都係由大家留低GA ﹐ 多謝大家每一個回應﹐ 對於對

講都係珍貴的 :) 若果有一D POST 沒有回應﹐真係唔好意思﹐可能我眼大睇過龍 >__< 但我一定有看過的﹐只係沒有即時回復﹐加上自己又好記

性 -__-‘’‘ 不過有時果D垃圾留言反而睇番D舊 BLOG﹐又可以回覆大家啦 XDDD

這篇已經係第七百篇日記﹐再次感謝您們﹐ 感謝大家令我的人生變得更精彩﹐ 喜歡大家啊 :) 喜歡每一個留下腳印的您們啊 ^^


唔知係唔係 yahoo 知我係寫 BLOG GEI 蕃屎﹐又見我遲遲都唔出番篇 三週年感謝 BLOG XDDD ﹐ 怕得失左各親愛的朋友﹐所以 7 April 2011

呢日早上送上驚喜 ^^ 嘻嘻﹐說實在﹐冇諗過會上到精選﹐因為太多寫得好好的部落格 ^^ 所以真係好開心給 YAHOO 選中,再次多謝大家﹐因為有

大家的支持﹐才有咁多能量去寫好每一篇 ^^ 大感謝啊 ^0^


=======================================
親愛的Yahoo!BLOG用戶:

您好！
恭喜閣下的Yahoo! BLOG入選今期精選Blog！由本星期開始，閣下的Yahoo!BLOG網誌連結將會擺放在精選Blog頁面，更會隨時在

Yahoo!BLOG首頁曝光。

感謝閣下一直以來對Yahoo!BLOG的支持，為我們加添不少精彩有趣且吸引的豐富內容，使Yahoo!BLOG能成為更多用戶選擇的BLOG平台

。期待日後，閣下的Yahoo!BLOG會帶來更多精彩內容！

Yahoo!BLOG
http://hk.blog.yahoo.com
=======================================



講番今次上精選﹐ 真係好利害的﹐ 單日人數已經由平50人左右﹐ 第一&第二天已跳到去200人 @@ 好利害﹐ 所以話廣告好重要呢 @@ 最勁一日

有300 @。@‘’ 真係勁到冇朋友 @V@

仲有 YBLOG 幫我原本段日文翻譯左

原文
最後まで全力した者には 必ず次のレース勝でで チャンスがある
原文意思
全力堅持到底的人, 下一場賽事必定有勝利的機會

YBLOG 翻譯
凡事也全力以赴，就已是個人每次的勝利

哈哈﹐雖然有出入﹐不過都合我意


嘻嘻﹐ 講住咁多先﹐ 往後會繼續繼續與大家交流﹐ 期待有一天可以與大家影下相﹐探下大家的貓MI﹐ 狗狗﹐打下波﹐ 又或者去睇下戲﹐聽下  concert

觀下星等等等:P 我相信會有這一日的 :) 請大家繼續指教指教 ^^ 多謝大家啊,多謝每一個曾經來過的您﹐ 感謝您 :) 祝願您們生活都愉快 ^^


CHEERS﹗

DO THE BEST 全體工作人員 上 (Dickens, 森里, bb喵喵)







いきものがかり－ありがとう✿ 感謝大家﹐送俾親愛的朋友們