夢を奏でる - 初章 - 眾樂 (3) and (4)

19/1 Group Class 3 因為去飲關係休息一天

一起學的朋友話先溫習﹐A﹐D空弦﹐之後學A弦1手指位﹐拉了篠奇1﹐No 11.
這堂包括我在內有 5個人 冇上堂 我地全班有二十五個人﹐真係好鬼多人呢.......


26/1 Group Class 4

上堂前去了太興吃飯.... 叫了個八寶飯﹐朋友叫了個雙拼﹐我果個要 $59﹐ 真係好鬼貴耶 雙拼都要52。。。。因為朋友遲左來﹐所以急急吃﹐就去上堂/

去到阿 SIR 又幫大家 TUNE 下琴


跟住先溫習番 A 弦一指 篠奇1 - 11 (e)

拉果時有同學冇係休止符﹐啊 SIR 叫大家記緊要留意﹐同記住上弓落弓﹐要大家一致﹐亂了弓法係大忌的

跟住啊 SIR 又講下一D樂理野﹐先講十二音程﹐半音同全音。這個按弦有真接關係。就好似 B 同C係半音﹐所以B同C手指係接近靠在一起的﹐不過啊SIR 話係貼埋.... Um.... 但呢個我覺得唔係呢﹐事關每個人手指不一 ga ma, 手指細﹐咪唔係拍埋 LOR﹐不過半音貼埋係講 common case, 即係大部份人都可以 apply。

跟住又講下一D Physical 野﹐小提琴之所以會響係因為弦線震動﹐令音箱發聲。

有幾個 factor 影響音程

弦的直徑:  直徑越大音越低﹐所以G 弦係低音過D﹐D又低A﹐A係低過E
弦的鬆緊:  越緊就越高音﹐越鬆就越低音
弦的長短:  越短越高音

之後就教A弦 2 手指﹐即係C 音

阿 SIR 叫大家先拉 A線空弦﹐之後就找 B 音﹐要找到個音同阿 SIR 一致,但係係 20 多人一起拉﹐要係入面找到阿 SIR 個 B 音﹐對初學者唔太可能呢﹐坐前面仲有D機﹐後面果D都好難 wow, 除非只係阿 SIR 拉B 音﹐咁仲有得對﹐但阿SIR 話要係20幾個 B音找到阿 SIR 果個 .......

之後阿 SIR 繼續同大家練習 13 and  14a

話咁快就過左 個半鐘﹐茶實教得好慢下﹐雖則GROUP CLASS 係要  average 番大家水平﹐唔會教得太快﹐怕大家吸收唔到 不過真係太太太慢﹐同埋都唔需面每段都練習﹐因為都係大同小異的。反而我覺得可以抽到 15-20 min 去睇下每個同學的技巧仲好﹐不過過左四堂﹐還未見過阿 SIR 有咁做呢......

唉...... 我見有D同學D弓拉得好行﹐冇左弧度﹐有D就持弓有問題﹐有D就按弦時手的姿勢唔好﹐不過呢D啊 SIR 都睇唔到 。。。。。

啊 SIR 今堂都係準時到同第一個走﹐好鬼準時呢....

有時我會覺得 GROUP CLASS 都可以有少少互動呢﹐如果唔係咁我同睇 video 學又有乜分呢呢﹐有朋友係令一班學﹐又係初班﹐佢地啊 SIR 都有留意同學支弓有冇拉得太緊﹐有細心解答同學的問題。

聽下歌好過 wakaka