夢を奏でる - 初章 - 眾樂 (5)

第五堂工聯會(2/2)

先複習 篠崎 14 A弦 2 手指

複習完阿 SIR 吹水時間又開始﹐佢先講西方音樂有幾大發明﹐係五線譜﹐和聲同 keyboard, 佢話一陣會講 keyboard, 不過上堂講左 la wow, 唔記得講左 @_@'''' 之後佢問大家﹐先記得原來講左

吹左一陣水﹐開始講 A 弦 三手指﹐先叫大家拉空弦 A﹐再按 1  手指找B﹐找對左音﹐之後 C 音﹐最後就按 D 音 (3 手指)﹐之後就拉 15 同 16, 每段拉三次﹐不過拉歌其間阿 SIR 打左幾次喊露 .... 跟書教其實都冇乜太大問題﹐不過其實唔洗每段都拉晒﹐因為好大同小異。吹下水拉左 15,16 咁就上左半堂

跟住阿 SIR 又繼續吹下水

阿 SIR 話平時練習﹐若果晚上太夜練習﹐就要諗諗計﹐因為佢話小提琴穿透力好強﹐小提琴聲音會向樓上傳﹐相反鋼琴就會向下傳﹐不過太夜﹐就算關好窗﹐應該都會嘈到隔離呢﹐阿 SIR 話以前舊方法會用一D好舊冇乜弓毛的弓﹐又或者用紙 "zip" 係琴馬上面。

不過現在可以買一個 mute (弱音器) 又或者叫消音器的東東﹐阿 SIR 拎左一個 鐵的消音器﹐聲音真係細左 70% 有多﹐而音質都變得唔太多﹐不過唔知會唔會夾花個琴馬呢 @.@''''

講完 mute﹐跟住開始拉一首練習曲 - 巴沙尼亞之歌 (17) ﹐大家都沒有太大問題﹐不過阿 SIR 又係耐唔時打喊露 ﹐耐唔時望下鐘...... 睇來阿 SIR 好掛住家人

係 練習曲17 第二行﹐阿 SIR 講二手指應該幾時按﹐係之前休止符就要按定﹐左手動作需要快過右手落弓﹐咁先算合格﹐阿 SIR 又再強調﹐小提琴不外乎聽音﹐睇譜﹐數拍﹐按弦﹐拉弓

跟住 拉 18, 18 係  巴沙尼亞之歌 (17) 的變奏曲來﹐所謂變奏曲係由主題為本﹐變動拍子的曲﹐現階段這些變奏曲係用來訓練拍子的﹐阿SIR 叫大家找音時﹐要慢弓拉﹐唔好急﹐慢弓就會令心靜﹐心靜就會容易辨別音準﹐除左聽自已的音外還要多聽別人的音﹐來分辨兩者的差異。

跟手拉 19 , 都係 17 的變奏曲﹐拉完就落堂。

上左四堂﹐有一堂去了飲﹐總結阿 SIR 水份比較多﹐進度真係太慢﹐感覺上佢唔係太有心機去教學生﹐學生手法錯左都冇理﹐每堂都係最後一個到 (準時的)﹐又係最早一個走 . 試過有同學問佢野﹐但又話落左堂﹐下堂先講 @@“” 跟書教唔係唔好﹐但其實入面好多都係大同小異﹐係入面抽一半其實已經好夠呢。最好可以抽少少時間行去每個同學身邊﹐睇睇﹐修正一下﹐不過可能 25 人太多關係呢.....

不過上 Group class 會講一D平時私人好少講的內容﹐需則吹水多﹐不過都係同小提琴關的知識﹐而且進度慢﹐所以可以慢慢去練習基本功﹐都唔係壞事呢﹐不過阿 SIR 有 heart D 會更好呢。


落堂時留左係 classroom 一陣﹐試拉首聖誕鈴聲俾朋友聽﹐因為仲有幾個同學未走﹐拉時真係有D手震 ga,  一來上堂拉果D曲都好簡單﹐所以都冇乜 warm up, 再加上有外人係 classrom, 之後得番我同朋友先叫冇手震﹐哈哈﹐都係要訓練一下多人時都可以輕鬆咁拉先得



不務正業印左首  canon in D (簡單版﹐冇 揉弦 )來拉下﹐total 206 個 bar, 都拉到咁多(為了再簡化﹐我用分弓去拉的) XDDDD﹐好開心啊﹐  雖然有時有痴線﹐但都可以入耳ar ﹐最少人地係聽到係 canon in d ga 每日抽一段仔去練﹐一年半載應該搞電佢