夢を奏でる - 初章 -學習(9)

因為新年關係﹐等了三個星期﹐終於到第九堂 1 對1 學習﹐今堂開始由 30min  轉做 45min

, 不過今堂我雲遊四海.....

﹐都係自己衰,  事關前一天打完羽毛球﹐夜了回家﹐回到家後又冇屎去訓 wow ﹐訓得幾粒鐘﹐又早起再練習先去上堂 .....

點知反效果

因為轉左 45min, 今日早左 10min 去到﹐見 SENSEI 上緊堂﹐我偷望入面﹐學生係拉緊 Wohlfahrt - 60 Studies Op 45 同 拉緊 minuet 3



不過等下等下﹐原本應該 10:15 上的﹐最後 10:40 學生才落堂 ....

企左成半粒鐘﹐入到去﹐SENSEI 話唔好意思﹐因為佢遲左來﹐所以骨排效應下﹐所有學生都 delay 左呢 ....






SENSEI 叫我自己 tune 琴 , 佢話我每次 拎琴來學時都 tune 得 ok (茶實的我都係對tunner 的), 因為有助聽力訓練﹐所以想我早D學下自已tune, 早D開發有著數呢

先 tune A 弦﹐因為冇調音器的關係﹐所以 SENSEI 就幫我聽。遲D買支 A 音叉玩下﹐來對下音先。之後就開始用雙音
tune AD 同 AG ﹐ SENSEI 話叫我慢慢去感受﹐雙音出來調和性同和諧性﹐若果 tune 得o岩﹐五度音出來gei
和弦聲係好夾的

﹐好有共鳴感同大聲D﹐開始會搞好耐先tune 到﹐不過這個有助聽力發展呢。 AD 同 AG 都比較快就 tune 好﹐當然我
tune 時 SENSEI 幫手聽﹐之後 tune AE 這個比較難﹐AE 呢個雙音唔係咁食加﹐SENSEI
叫我落弓慢D﹐咁會易D分辨當中的差別﹐不過茶實都好難下

﹐不過幫助學習﹐就比心機試多D

。SENSEI 話每次係家中練習﹐係練習前可以用
tunner 對左 A 弦﹐之後就用 雙音 tune 好先好睇 tunner, 佢話 tuner show D 同 G
會高音少少﹐E弦就會低少少﹐不過係正常的 (因為雲遊關係﹐回家又冇 mark 低﹐唔知有冇聽錯。。。。  冇冇調轉 @.@''' 有機會係 D
& G 低少少﹐E就高少少﹐下堂再問番 SENSEI  )



先拉 No 123. 聖誕鈴聲﹐
早上練習時已經知有機會上堂奶野

﹐因為唔夠訓下﹐真係唔掂..... 明明之前都練得好熟..... 下次上堂真係要知D休息﹐唔係真係浪費左
SENSEI 心機.... 結果上堂拉時真係完全唔得

﹐一同兩拍時拉得快左.....
俾人覺得好趕的感覺﹐移弦時﹐因為急同趕的關係﹐二手指冇貼埋一手指﹐搞到走音

(不過移弦時要立即一二手指貼埋按弦﹐又要準係需要練習的﹐今個星期要俾心機練好佢)....  半拍用弓太少﹐SENSEI
叫我盡量用全弓拉﹐一拍同兩拍時可以拉慢D  了解



聽完佢意見後﹐從新拉多一次﹐今次慢番D﹐唔急﹐出來效果好番好多

SENSEI
知道我回家都有經常練習﹐係有比心機的﹐不過佢話我對自已要求太高﹐希望完美去完成練習成果﹐但反而有反效果呢 

﹐一來俾自已壓力﹐二來會影響學習進度﹐佢又話我似果D係家中落中心機去練﹐明明係冇問題的﹐但一上堂就好似去 exam 咁﹐好想 1 take 過 ﹐但最後奶野 XDDDDDDD﹐

SENSEI 安慰下我﹐話其實都拉得唔錯

﹐一唔心急﹐咪好好多 LOR, 佢又問我 feel 唔 feel 到 同開頭拉果一次分別呢。
SENSEI 都話佢唔 expect 初學學生可以每首曲都
完美去表演﹐只要唔係太大的錯﹐就可以﹐間中有一下痴線同一兩粒音走音係好平常﹐只要加以修正同知道問題所在而作出調簡就可以啦。所以唔好俾咁大壓力自已
呢

呢首歌﹐下堂要再補獲, 拉多次 U_U''''  SENSEI  suggest 我拉慢D﹐記住數拍子 (要數出聲)﹐特別係兩拍﹐唔夠慢。一路數拍子﹐一路拉可能分心﹐不過就要慢慢練﹐這個要慢慢養成﹐唔可以偷懶

了解 :)







跟
住 就 No. 125 凱歌﹐因為第一首 SENSEI
給了我意見後﹐這隻歌仔冇太大問題﹐複雜拍子果段宴掌握到﹐拍子都ok 不過一弓四個音時 (4個8分音連弓)﹐最後一個音唔夠弓用﹐SENSEI 提醒 這個一弓四個音要注意 even bowing﹐
之後果兩個 一拍斷奏連弓﹐要拉番慢D﹐我問番 SENSEI, 斷奏時應該斷幾耐﹐SENSEI 話要睇首曲而定



No. 115-4 G調大音階 連弓練習  SENSEI 話 呢個 ok﹐冇問題

No.
115-5 G調大音階 四音一弓練習 ﹐這個係家中練習好順利﹐今日雲遊下﹐第三個 bar, 明明第四粒音係落弓ga,  唔知可解變左上弓
....  搞到後面幾粒音音怪怪地咁。。。拉左幾次都錯﹐SENSEI 話過我知錯邊度﹐重拉先正常番﹐不過都要 回家再練過。。下次要再拉俾
SENSEI 睇



No. 117 音階練習, 分弓﹐二連同四連弓 -  SENSEI 話呢個好 OK﹐感覺同之前拉的曲分別好大 @@  可能遊完雲﹐短暫清醒

今堂教了 No. 131 D 調大音階﹐回家要練 分弓﹐一弓兩音同一弓四音。



教完 No. 131, 順手教埋 No 132. 春天來了﹐這首曲比較短﹐得 12 個 bar, 不過幾好聽呢 ﹐又係今個week 功課。

今個星期繼續努力,下一堂﹐要早D訓﹐唔好再雲遊四海 :P























Manatsu no Kajitsu (Southern All Stars) - Vanilla Mood