年三十晚團年飯 & 大年初一 公主 大王出巡記

我地一家人過左細妹果邊食團年飯﹐呢盤盤菜係細妹做的﹐入面有好多料Ga,除左面頭果D﹐入面仲有雞﹐鵝﹐燒肉﹐東菇﹐髮菜﹐豬皮。魚旦﹐牛利等等

做得好好食啊 細妹上網參考下做出來﹐我俾90 分

食緊飯之際。講左幾句﹐跟住朗朗仔就話舅父食飯係唔講得野 GA﹐笑死啊 之後食蝦時用了食﹐朗朗就話舅父點解用手食  哈哈﹐唔好以為朗朗仔好大wow﹐茶實佢得三歲半 ga

又影下小公主先﹐細妹妹話佢近來都時常講BB 話, hehe, 仲話佢學緊行路﹐不過就係心急型﹐哥哥朗朗細個學行時就係小心型 妹妹好多表情﹐唔影就真係 side 晒

望緊乜呢

眼神古古惑惑

哈哈﹐做乜偏嘴 jack

哦.... 咬手指﹐我話俾妳媽 mi 知 我又學朗朗做二五仔

表情多多

妹妹: 舅父你影夠未呢﹐我想訓教教豬啦

食飽飯又影完小公主﹐公主要訓教豬

﹐叫小人先行退下﹐由於食飯前大王已經落左聖旨﹐叫小民做佢對手﹐邊個係大王﹐咪係朗BoBo law



佢近排 玩 wii resort 冇對手﹐所以指名要我陪打



resort 入面朗朗識玩籃球﹐劍道﹐保齡球 ﹐其中以保齡球最勁

入面有個 GAME 係打一百個保齡球樽﹐十局朗朗可以拎到成 1900 分 Ga.... 佢仲可以有四至五次全中 真係勁過胡笑康啊 ﹐佢打D波係有西 GA @@'''



籃球佢都識跳起投籃動作﹐真係堅過石堅

劍道佢同佢姑姊玩﹐不過佢輸左啦﹐呢個都係朗朗最得意gei 一項﹐即係佢 gei PRIDE (咁樣輸俾外行人....  當場飲泣

)





於是小民過去調停一下﹐我話不如同我又比試一輔啦﹐作為佢指名gei 對手﹐我就緊有D實力 gei 

咁炸炸弟弟﹐輸左佢﹐大王即刻龍顏大悅﹐仲係寶箱送左一張超大型限量豬豬夾 gei 貼紙 & 大王都唔捨得食gei 外國進口巧克力俾我 TIM





雖然大王打wii 打完三鋪又三鋪﹐十鋪都來啦﹐佢太后係附近鵝佢﹐要佢沖涼訓教﹐大王只好聽命啦

其實我覺得朗朗可以同洪金寶一起去拍 wii 廣告 GA XDDDDDD






小公主來訪小民家啊

做乜妳又學大王一樣咁鐘意我個鏡頭 jack ,唔好篤啊

公主手指都好長下﹐日後跟太后學琴有著數﹐再唔係到時我未妳小提琴

諗緊D乜呢

哈哈﹐做乜 look 大對眼

大王今次高調出巡

大王有時會話﹐點解啊舅父唔來﹐"係唔係又去打波﹐成日掛住打波,唔理人"哈哈﹐好搞笑啊﹐於是大王來到﹐我就拎塊拍俾佢拎下

大王幾滿足