夢を奏でる - 初章 -學習 (13) 27/3
先拉 140 念故鄉﹐跟拍子機 48 bpm﹐現在拉曲都會開著拍子機﹐所以開始慣左聽D "達" "達"聲﹐平時係廳練習會把拍子機放係睇到的位置﹐有得睇同加埋聽會易D跟
﹐所以今堂 sensei 叫我調一調位置﹐咁就可以睇到部機呢
首曲最後一個 bar 要拉多一次﹐第二次重拉﹐要用 P 慢慢拉出﹐ sensei 話 呢度要慢D (比原來拍子慢)﹐再慢慢變細聲﹐令到聽的人覺得首曲有完滿結束gei 感覺
﹐我問下 sensei 咁應該比原來拍子慢幾多呢﹐其實都冇一個標準﹐e.g. 原本首曲係 48 bpm, 去到呢度成段可以去到 30 bpm, 每粒音都要跟番呢個變慢的拍子去拉﹐若果合奏又點呢?。 Sensei 話呢個問得好 
就好似考試咁﹐要同鋼琴絆奏夾定先 @@ 咁大家係呢D位有一個共識先可以
﹐sensei 話佢果時考試﹐試過有一次﹐其中一首曲﹐入面有一段仔係超快﹐佢話一路睇住鋼琴絆奏隻手一路拉 
所以呢D case 要夾左先。到 160 搖籃曲 by 舒伯特﹐因為上 youtube 找過D video, 見人拉都係 suzuki 4 gei 版本﹐咁我睇番 dl 落來 gei 鈴本譜﹐原來個調係唔同 ga, suzuki 用 G 大調﹐而篠崎係用 F 大調﹐咁我又問下 sensei, 佢話每一首曲都可以咁﹐原理有D似唱 K
把成首升高 key/降key 一樣。 呢首歌曲係用 andante (行板)﹐找過資料﹐行板係大約 70-80 左右﹐咁我又問下 sensei 若果 80 咪好快﹐唔似搖籃曲 wow
, 佢話其實所為行板 80 bpm, 其實可以係半拍為標準﹐所以以呢首慢歌來講 80 bpm 以半拍為 base, 咁又正常呢呢首 1拍 拉四粒音拉得唔好............ 少少走音......... 同唔夠清脆﹐所以回家要再練過
﹐ sensei 話拉呢首要溫柔D,慢D﹐感覺就會好呢。之後拉一次 171 小星星俾 sensei 聽﹐沒有問題。
sensei 先 demo 番一次 160 搖籃曲 by 舒伯特, 真係好溫柔呢﹐想訓 tim
之後再 demo 161 搖籃曲 by Brahms (即係最出名果隻 ~ 小寶寶 ... ) 跟住我拉一行俾 sensei 聽﹐呢隻又係今個復活簡的功課
又有D野問 sensei, 就係可解第一個 bar 得 兩粒音 total 1拍呢﹐明明寫住 3/4 ga ma, 原來呢個 case 叫 up beat, 睇番最後一個 bar (有兩拍)﹐所以頭尾加埋就係三拍啦
﹐以第一拍為強音﹐咁數拍子同定強弱﹐就要先睇最後一個 bar, 換句話說﹐第一個 bar 果兩粒音係弱拍來呢 @@ 原來係咁﹐了解下個星期復活節﹐所以今休息一天﹐今個星期除左兩首搖籃曲外﹐還有繼續 finger practice @@ 下一堂開始要用新書﹐就係篠崎 2/3 同 費華 60 @_@'''' 換新書﹐要更加比心機先﹐因為見到入面D內容都唔少野﹐繼續加油加油加油加油加油﹐Fight
呢排練兩隻搖籃曲 XDDDDDDD 冇搖籃 felt 不過好有追暈 feel XDDDDDDD
多謝朋友介紹提琴學習網﹐找到了 Close to U, 嘻嘻﹐試拉﹐又唔係難拉 wow, 不過有幾粒音要三把位.................. U_U'''
﹐GRS 服務員向大家揮手﹐快樂時間過得特別快又係時候講 byebye, 好鬼肚餓﹐同朋友們出去東涌吃野先 
