夢を奏でる - 初章 -學習 (11B)

3/13 第十一堂

上星期病了冇得上堂 ﹐等了兩個星期終於有堂上啦﹐超開心啊﹐早左去到連城﹐去到超長龍排隊等 lift .... 原來三部 lift 都停晒... 但又唔可以用樓梯上去... 咁只好等啦﹐好彩早到﹐唔係真係會遲到﹐等左接近十分鐘先上到去﹐上到去望一望課室﹐小妹妹正在上堂﹐坐左陣﹐小妹妹落堂﹐哈哈﹐佢真係好細粒﹐果譜架要較到最低﹐sensei 話佢剛好五歲﹐唔講以為佢得三歲呢﹐不過佢好Q啊﹐拎住個超 mini 小提琴



入到去先報案俾 sensei, 上星期感冒所以請病假﹐哈哈﹐仲同 sensei 講冇堂上真係好慘ga XDDD, sensei 笑笑口話都係聽學生第一次咁講

吹完水﹐sensei 協助我去 tune 琴﹐同 sensei 一起拉 A 弦﹐對好左﹐又用雙音去 tune, 好快搞掂(都係 sensei 聽呢) , haha,  sensei 問我聽唔聽個分別(準的時候﹐個音會響亮D)﹐我話還可以 ﹐不過係接近﹐還要有排去 training 呢樣東東呢

復習番上一堂三首曲﹐103 小行板﹐呢首ok, 不過有時第三拍會[快左D﹐要記緊慢番D。 132 春天來了同 140 念故鄉 都 ok, 音準同拍子都 ok.....

不過 sensei 話我冇跟拍子機﹐真係拍子機有拍子機行﹐我有我拉果種 XDDDD 被識穿左 tim , sensei 話雖然拍子都接近﹐可以做到 even bowing ﹐但係要早D習慣跟拍子機去拉﹐對日後複雜同與其它樂器夾都好大幫助﹐唔係到時要慢慢執D拍子就弊家伙啦。

我話係家中練習時試過﹐好難 focus, 要睇譜又要聽拍子機 仲要數拍子﹐好難一心幾用。於是 sensei 叫我先睇左譜﹐唱 melody 同拍子﹐有左個印象﹐之後就跟拍子機一路拉一路哼拍子。道理就係好似平時拉得多﹐背譜一樣﹐當事先聽住拍子機去唱同打拍子﹐入左腦﹐到真係拉時就會易D夾埋呢。即場試下﹐又真係 ok wow。

跟住教埋 F 大調 scale, 一手指按 A 線 B(b) 要近琴頸位﹐拉完 B(b) C and D 去 E 弦﹐再按 F 音時﹐一指就咁橫移過去就可以。 講完 F大調 , 就試拉 156 櫻花。 F 大調 scale 同 156 櫻花都係今個 week homework

之後就係再講講手指拼合 (2同3 指 and 3同4 指﹐指尖拼合﹐其它位置分開)練習﹐我話俾 sensei 知都係 ma ma 地﹐之後佢再試範同講解如何去練習﹐ sensei 話可以不用係指板練﹐先唔好用琴﹐但上堂時都係做唔到啊 不過我打趣話唔洗係琴上面練﹐咁我得閒就會去練﹐等 lift la, 搭巴士la, 食緊飯la 同訓緊教都會

嘻嘻﹐今日終於有D成就﹐可以以比較輕鬆 control 到手指指尖拼合而其它關節分開 ﹐超開心啊 XDDD 我D手指原來唔係 痴................. 筋 Ga  呵呵。

要繼續努力﹐要拎住琴時﹐都可以係按弦前快速指尖拼合﹐咁就可以令音準有所提升呢 :) 加油加油加油加油 Fight :D

今堂 sensei 讚我進度唔錯同拍子進步左﹐felt 到我好有 heart 去練, hehe,感謝感謝 sensei gei 讚賞同鼓勵啊﹐我會更比心機去練習 la