夢を奏でる - 初章 -學習 (12)

3/20 第十二堂

今日早早過左去﹐先去圖書館還書﹐上到去TL 早了 15 min, 諗住簽到同交學費..... 但好多家長交錢又問野﹐等左15min 先到我 ... @_@''' 小朋友還未出來﹐我打開個 bag 睇下書 ....................... 點知我早上練習完................... 唔記得放番個肩托落袋啊 ....。 aiyaya, 屎火,  冇左佢﹐拉柴就有份

。






入到去話聲俾 sensei 知﹐佢話冇問題﹐用住佢果個﹐佢唔用都唔太大問題, Wakaka, 不過 sensei 都一樣烏龍 ga

(sensei 唔知我有寫blog, 所以不用怕 waka) ,  佢話佢都試過唔記得拎肩托, 仲有試過個琴同弓都漏左係琴行, hehe, 可能教足全日太累關係呢﹐掛唔之得我同 sensei 咁夾啦﹐正所為痴痴呆呆, 坐埋一台。之後我又俾左個我用緊 gei mute 試緊﹐佢都話呢隻唔錯﹐一來聲保持得幾好﹐最少出來的聲音冇鼻塞 felt.

group class 果個 手指按弦問題我問番 sensei, 佢話點解三手指/ 四手指唔可以就咁只按落弦﹐其它手指(所有低過該手指的手指)都要係弦呢。其實最主要係音準問題﹐因為按低音的手指有助對位作用。其它手指都係弦上面﹐找對音係易過一隻手指去找的﹐這個對初學者來說係絕對的。而且當下一個音轉去令一條弦﹐只要手指橫移 (當然會因調而作適當調節)﹐準確度會提升呢

。





之後快快手手 tune 好個琴。

呵呵﹐開波 

希望今個 week 努力成果可以展現到啦﹐落足心機去聽拍子機去拉歌仔。

先拉 156 櫻花, 我話呢隻熟﹐不過 sensei 話首首功課都要拉晒﹐所以邊隻開始都冇乜所為 ﹐冇得偷雞

sensei 話不錯﹐真係有跟拍子機 拍子都準同做到 even bowing, 不過要留意四指有時差少少先按得準 @@ 係練習室拉﹐D聲真係好D﹐同聽拍子機都易D ga, 係家中個廳D聲冇咁集中 @@ (鬼叫我個廳成幾千萬尺咩 wakakaka (笑)﹐回音係大左D)

跟住搞掂埋 F 大調 scale, 沒有太大問題﹐不過轉弦時由 A 弦 回 D 弦時﹐ 同時按三隻手指時﹐一二手指唔夠貼埋 @@ (呢個還在努力當中)

之後話俾 sensei 知 手指 practice 有D成就 hehe, 12指 / 23指都做到 指尖貼近﹐其它關節 成功分開﹐ sensei 話恭喜晒 ﹐因為這樣代表個腦可以控制到手指的靈活度﹐係正面的進步 hehe :P 我同 sensei 講﹐之前得閒練下﹐突然係巴士上面﹐成功又可以好 relax 咁 拼合手指 :) 不過還要努力呢﹐因為一拎琴上手﹐還是未能稱心如意﹐ sensei 話正常﹐叫我繼續比心機去練 :) 了解﹐加油加油加油加油

講完手指就重拉 132 春天來了﹐雖然之前做到 even bowing , 不過因為唔跟拍子機﹐跟對拍子係跟住自已拉開果個拍子﹐所以唔收貨﹐今個星期努力去跟拍子機﹐終於都搞掂左。

跟手拉理 140  念故鄉﹐ 不過奶野 ﹐因為係家中用左 一分鐘 60拍去拉﹐自己傻傻地﹐明明係 Largo (緩板) ga ma, 60 太快啦﹐都拉唔到原本隻歌仔的感覺@_@''' 我都覺得怪怪地﹐不過之前D歌曲大部份都係 60 ﹐所以..... 唔緊要啦又再練過﹐除左錯左 speed ﹐還有一個問題﹐就係 D 線 拉 FAF音 時﹐有時 4 手指申得唔夠遠﹐ sensei 叫我拉 FA 又試下拉個 A 空弦﹐對一對果音......  果然D 弦 4手指真係低左﹐所以今個星期 finger practice 就係 12指 按實 D 線﹐之後同時 3 and 4 手指 (要預先拉開)﹐唔該做 10 萬次 (笑)﹐ sensei 提醒當要按四手指音﹐記緊之前要把三四指拉開先﹐咁就丰音時先至又快又準﹐因為佢話我有時會先準備放 3手指之後才拉開4指 (雖則最後都會同時技弦)﹐不過都係慢 @@了解﹐呢個問題要好好去解決去。

好﹐搞掂左之前D 功課﹐教新歌﹐就係 160 搖籃曲 (lullaby) by F.Schubert, sensei先講一講 搖籃曲 係一個種類﹐就好似 小步舞曲﹐喜禾舞曲一樣﹐同一種類別有好多作曲家﹐呢首係由 F.Schubert (舒伯特)作的﹐ sensei 先 demo 一次﹐wowowow, 非常之好聽呢

﹐拉出搖籃曲的味道 :) 呢首係今個星期的功課啊。




令一隻由 Brahms 寫 gei  161 搖籃曲 就只係寫拍子記號﹐不用拉﹐呢隻就係大家都好熟的﹐小寶寶﹐食蛋糕果隻啦 hehe, 有時間今個 week 練下先。

last 一份功課係 170 小星星。

今堂都算唔錯﹐幾順利﹐一星期努力總覺可以表演出來﹐不錯呢。 續續努力 :)


頑張ろうぅぅぅ!  もっと勉強すれば 上手になるよ

搖籃曲 - 電子小提琴版﹐呢首係SUZIKI 4 ga, 篠崎1係簡化版











正常版