夢を奏でる - 初章 - 眾樂 (7)

今日去到第 7 堂﹐因為新年關係﹐加上工聯會又休息關係﹐隔左四個星期先再上堂﹐約了朋友仔食D野先上堂﹐食飯時問下朋友呢一個月來有冇練習﹐不過佢話咁多日練左 2 個鐘...... @_@'' 佢話唔得閒﹐冇時間練... um...(無言 幾秒......)

雖則係 group class, 唔會有功課﹐不過練得咁少﹐其實要進步真係好難,若果初學都抽唔到時間﹐其實真係要諗諗係唔係應該開始學  不過朋友話放工回家好累都冇時間練習﹐星期六日又唔閒.... 咁我都冇野講

只好 suggest 佢每日點忙都抽 15min -30min , 咁都好過一個星期練得 一小時又或者再少啦.....

朋友係 TL 買了一個成 180 大洋 gei mute, 係鐵來的﹐不過.... 要夾硬先夾得到個琴碼.... 好驚 wow....

第 7 堂

溫習番 26 搖籃曲後就教 A 弦 尾指﹐阿SIR suggest 大家要多練習 4指﹐唔好用空弦去避開 4 指﹐只有多練習﹐尾指先靈活同有力量

跟手大家一起拉 27 and 28

拉完   阿 SIR 又吹下水﹐話弦樂器﹐有共鳴箱 gei 天然樂器﹐給人溫暖同光明的感覺﹐而電子樂器係好難做到呢﹐這個好有同感﹐以小提琴來講﹐確係可以由演奏者透過樂器表演不同情感﹐就好似黑膠唱碟一樣﹐有一種電子音樂不可取代的地位

跟住繼續 29 -32 練習曲﹐大家拍子音準都沒有太大問題﹐當中阿 SIR 都有 demo 給大家睇﹐不過阿 SIR 耐唔時都大下喊路 @@'''

今堂阿SIR 終於發現有同學因為地方太窄﹐耐唔時支弓會撞到檯﹐有時會因為就位而令姿勢唔正確﹐佢都 suggest  大家要好好留意﹐都唔係太遲﹐雖則呢個問題應該早幾堂提一提大家 @@ 不過現在講一講都好﹐啊 SIR 都話最好都係企係度拉﹐但地方細就冇法啦

今堂派左張中級班優先申請表﹐有晒每一班由邊一個老師教的﹐我地阿 SIR 就冇教 中班。朋友話佢會繼續中班.... um... 我就要諗諗 @@'''


係班上見到有一位同學支弓超怪..... 弓桿係凸ga. 弓桿中間位置同弓毛有一個琴馬高度.....


原本想落堂問下佢可解支弓會擰到咁 。。。 不過大家一落堂都超快走人﹐只好下一堂提下佢啦﹐不過冇理由阿SIR 睇唔到 ga, 而且阿 SIR 第二堂都教左大家上弓時﹐弓中位大約留一隻手指尾高度就 ok @.@









Janet - Salut d' Amour