夢を奏でる - 楽しいバイオリンの会 II (Happy Violin Gathering2)

非常開心又有機會參加小提琴聚會﹐今次有成 十三個琴友啊﹐加埋小公主同小王子﹐總共十五人﹐真係難得呢﹐有份參與其中真好呢 感謝負責人的邀請同安排﹐感謝感謝

好高興認識各位琴友 大家除左拉得好聽之餘仲好 nice hehe, 我應該同晒十五個人傾過偈 ga (小王子請左我食糖啊﹐係MTR 落樓梯時同小公主有眼神交流)

開始時大家一起拉愛子在何處﹐好好聽啊

不過我太懶 冇準備.... sight reading 又唔得

﹐所以都係欣賞好啦﹐唔好搞禍大家 下次一定一定一定要準備左先去﹐就算拉得唔好聽﹐都想跟大隊合奏啊﹐因為合奏果種氣勢﹐真係非常掂 ga

之後有同琴友四個人合奏世界真細小啊﹐不過太過緊張關係﹐完全手震震啊.... 仲要係咁拉錯啊....又錯拍子 好彩琴友們好好人﹐陪拉左幾次

還左心願﹐真係失禮晒 要比心機呢﹐下次再合奏要放鬆D﹐要拉得好D

加油加油加油加油加油

之後又有琴友  canon in D 四重奏 (三個小提+一個大提)﹐佢地拉得好好聽啊 ﹐真係低音甜﹐高音準 ga

大家 hea 下﹐吹下水交流心得﹐拉下琴﹐三小時快樂時光確實難忘呢

之後我地吃過晚飯後。仲去左其中一位琴友 gei 秘密基地拉琴 tim, 果個地方又真係唔錯﹐不過後來有D路人甲見我地開大達地演奏會唔預佢﹐唔底得下﹐話左俾食蕉知﹐咁我地只好收回好拍擋﹐不過我地都吹左好耐水啊﹐真開心啊﹐期待下一次聚會 

等我介紹一下我呢個好朋友啦﹐佢終於有名la, 佢叫 Sora (そら) 係日本名來﹐解天空啊

希望呢位朋友仔可以帶我見識更多﹐就好似天空一樣咁矌闊

so ra 又係音階唱名﹐呢個名係唔係好得先

不過暫時難為佢啦﹐我要努力發揮佢天使 gei 聲音


gathering 冇拎機過去﹐只好用部老爺 610i 影﹐過相時順便抄埋早前係 SSP 影 gei 貓 mi, wakaka ﹐佢係雲吞麵老細來