夢を奏でる - 第二章 -學習 (29) & (30) 谷底反彈 XDD

第 29 堂 4/9

終於 KO 左首結婚進行曲

要數住拍子﹐要加埋大細聲﹐真係下了唔少功夫 

拉了成個月﹐發夢都記得耶 

  真係一個 愚學生

sensei 話每首曲都有 phasing 的﹐即係好似D wave  咁

就以結婚進行曲頭三行﹐感覺係響亮D﹐即係個浪高D咁﹐到 第三行後半同第四行﹐浪就會低D﹐冇之前咁響亮。



跟住繼續拉 WF 34 三把位練習﹐ 經過一排練習﹐三把都音準好左不少 

﹐不過當由三把回一把﹐音變得唔準 

  sensei  話現在三把準爆 XDDD﹐但回一把時搞冇鬼

(苦果keep 住係一把﹐音準還 OK﹐但拉了一堆三把音跟手回一把﹐最初幾粒音會冇咁準﹐要練習多D才行 =。= )


sensei 話呢個練習 ﹐最主要係熟習三把同一把轉換時的音準﹐因為一把同三把手指距離都幾大分別﹐所以要慢慢習慣﹐咁當然要多聽﹐特別係多用雙弦去對音準 三指 (一把) and 一指 (三把)。

還有要記緊手型要 keep 住﹐手指保留原位﹐淢少夾埋再伸展的動作﹐有助音準 , aiya 我隻抽筋十級手指尾﹐有時會縮埋﹐記住放了四手指位就盡量唔係四圍走。

sensei 話最緊要係 relax, 反而咁﹐音準仲好D﹐因為手指一緊張﹐就會抽筋同伯金信一樣咁震 XDDD  sensei 話有D學生﹐叫佢靜止﹐有時手指仲會震得利害﹐其實原因係未夠 relax。果然樂器同運動一樣﹐唔可以緊張﹐只要 relax 才可發揮十級戰鬥力

跟住到  Seitz Concerto No. 2 in G, 3rd movement﹐先拉頭四行, 雙音 同 三粒音果度拉得唔好 >_<  (想死)
sensei 話要記住拉雙音時兩條弦要平均

因為一路數拍子﹐一路拉﹐數 1 n a  2 n a  之中,  1 & 2 落弓重左D﹐粒音大左D﹐and 感覺似  機械人 XDDDDD﹐不過我病情唔嚴重﹐sensei 話佢有學生拉 canon in d  仲怪﹐好似一節節﹐總之就唔流暢啦﹐練習時要多加注意

sensei 話呢首曲第一 PART 係跳躍活潑的﹐佢 demo 一次﹐又係 wow, 完全係正啊

今個星期要練多五行





30 堂 11/9


今個星期繼續  Seitz Concerto No. 2 in G, 3rd movement 頭九行﹐ sensei 繼續修正入面的細節

今日教多樣新技巧﹐就係跳弓 

﹐先用弓根係弦上面彈起 一隻手指甲多D gei高度, 做上下 同下上練習﹐ sensei 話現階段用弓根練習﹐因為比弓中同弓尾易D。跳弓其中一樣要點係用手腕同手指去拎弓彈躍﹐就好似唔用前臂同上臂﹐只靠手腕同手指的轉動都可以推動弓的上落一樣

跟手 sensei demo 再教多五行  + 兩行﹐成首曲都教得七七八八﹐sensei 話呢首完左就開新書

 即係蓧崎 4/5﹐我話係唔係快左 D 呢

(心想: 我還是想拉多D簡單的曲耶

)  不過本 4/5 好早之前買左﹐比一盒叉雞飯仲要平 wow

, 緊係買啦  wakakaka ﹐加上入面有講 高把位﹐早D買﹐做定 prepare ar ma

sensei 話 4/5 有三把歌曲﹐可以配合番 WF 現在學緊的三把練習﹐這個都對 GEI ﹐要學以至用先得﹐只好更加比心機

﹐因為現在D曲真係難左好多﹐要用唔少時間先可以叫好DD

。

上網聽過全首 Seitz Concerto No. 2 in G, 3rd movement ﹐真係好聽﹐好聽的曲都會多D心機去練



近來又拎番份 canon in d 譜出來拉﹐我記得之前拉係 學了10堂左右的時間 canon in d 都幾多移弦 , 所以對於三個月貨仔的我﹐真係吃力﹐拉得唔好就緊係ga la,  我記得拉頭五分一 都搞好耐

﹐最後暫時放低。



經過多二十堂後再拉﹐果然有進步 ﹐一半都 handle 到﹐流暢度﹐音準﹐節奏都提高左

有幾大進步 , 嘻嘻﹐ 就係由 -10 級跳到去 -5 級啊 ﹐由(好x10 )難聽﹐去到(好x5)難聽, 都好啊﹐有進步﹐唔係講笑﹐真係大滿足


﹐睇番份譜﹐真係有信心可以練好 GA﹐呢首係其中一隻想拉得好的曲 

真係信心滿載 啊

愛梨 ちゃん 


x

協奏曲　第２番　第３楽章、F. Seitz ザイツ, No. 1

sori X
concerto no 2 3rd movment seitz suzuki 4









呢個拉都好好呢